ამერიკის ბოლოდროინდელი სანქციების საპასუხოდ, ოფიციალურმა პეკინმა რამდენიმე ამერიკელ ოფიციალურ პირსა და ამერიკულ ორგანიზაციას სანქციები დაუწესა. მათ შორისაა აშშ-ის ვაჭრობის მდივანი უილბურ როსი, – ამის შესახებ ინფორმაციას BBC ავრცელებს.
გამოცემის ცნობით, 7 სანქცირებულ ფიზიკურ და იურიდიულ პირებს შორის არიან Human Rights Watch-ის დირექტორი ჩინეთში – სოფი რიჩარდსონი და International Republican Institute-ის წარმომადგენელი ადამ კინგი.
როგორც BBC წერს, ჩინეთის საგარეო საქმეთა სამინისტროში აცხადებენ, რომ აშშ-ს ბოლოდროინდელი სანქციები მიზნად ისახავდა “ჰონგ კონგის ბიზნეს გარემოს უსაფუძვლოდ გაფუჭებას” და “სერიოზულად დაარღვია საერთაშორისო სამართალი და საერთაშორისო ურთიერთობების მარეგულირებელი ძირითადი ნორმები.
ცნობისთვის, რამდენიმე დღის წინ, აშშ-მა ჰონგ-კონგის ოფიციალურ პირებს დაუწესა სანქციები. სწორედ ამას უკავშირდება ჩინეთის საპასუხო მოქმედება.
ავტორი: მერაბ ცაავა
