მასწავლებელთა პროფესიული განვითარების ეროვნული ცენტრის მიერ გამოცხადებულ ფიზიკის მასწავლებელთა შესარჩევ კონკურსში – შვეიცარიის ქ. ჟენევაში მდებარე ბირთვული კვლევების ევროპულ ცენტრში (CERN – European Organization for Nuclear Research) ერთკვირიანი სტაჟირების გავლა, შერჩეულ იქნა ჩვენი სკოლის ახალგაზრდა ფიზიკის მასწავლებელი ჯუმბერ გიორგაძე.
სტაჟირება სრულად ფინანსდება მასწავლებელთა პროფესიული განვითარების ეროვნული ცენტრის მიერ და განხორციელდება 26 მარტიდან 1 აპრილის ჩათვლით, სასკოლო საზოგადოება ულოცავს ჯუმბერ მასწავლებელს ამ გამარჯვებას და მადლობას უხდის მასწავლებელთა პროფესიული განვითარების ეროვნულ ცენტრს ამ შესაძლებლობისთვის, _ ინფორმაციას საჯარო სკოლა ავრცელებს.
ჯუმბერ გიორგაძე, ამავდროულად, ჩხაკოურას საჯარო სკოლის მასწავლებელიცაა.
