ჩოხატაურის მუნიციპალიტეტის და ტარჩინის (პოლონეთი) მუნიციპალიტეტის მერიებს შორის ურთიერთშეთანხმების მემორანდუმს მოეწერა ხელი.
მემორანდუმის ფარგლებში, მომავალ წელს, ტარჩინის მუნიციპალიტეტის მერია ჩოხატაურში მცხოვრები მცირე მეწარმეებისთვის სხვადასხვა აქტივობებს განახორციელებს.
მემორანდუმის გაფორმება ჩოხატაურის მერიის შენობაში შედგა. შეხვედერას ჩოხატაურის მუნიციპალიტეტის მერის მოადგილე მაია კუტუბიძე, ჩოხატაურის მუნიციპალიტეტის საკრებულოს თავმჯდომარის მოადგილე ზაალ მამალაძე, ტარჩინის მუნიციპალიტეტის მერიის მდივანი მარჩინ კილიანსკი, ასევე, დაგეგმილი პროექტის წარმომადგენლები სილვია სპარკოვსკა, ვოჟტეკ სპოსინკსი, ადგილობრივი მეწარმეეები და სხვა დაინტერესებული პირები ესწრებოდნენ.
პოლონეთიდან ჩამოსულმა სტუმრებმა შეხვედრაზე ხაზი გაუსვეს, რომ მათთვის დიდი პატივია პროექტის გახორციელება ჩოხატაურის მუნიციპალიტეტში და მზად არიან, დახმარება გაუწიონ ქართველ ხალხის შესაძლებლობის ფარგლებში.
„ძალიან მნიშვნელოვანი შეხვედრა იყო. ჩვენ შევათანხმეთ და ხელი მოვაწერეთ თანამშრომლობის დოკუმენტს ჩოხატაურის მუნიციპალიტეტთან. შევეცდებით დავეხმაროთ ფერმერებს, ორგანიზაციებს, ადგილობრივ ბიზნესმენებს“, _ თქვა მარჩინ კილიანსკმა.
ჩოხატაურის მუნიციპალიტეტის მერის მოადგილე მაია კუტუბიძე: „შედგა შეთანხმება ჩოხატაურის მუნიციპალიტეტის მერიასა და პოლონეთის, ტარჩინის მუნიციპალიტეტის მერიას შორის ურთიერთთანამშრომლობის საკითხებზე. ეს თანამშრომლობა ითვალისწინებთ ერთობლივ მუშაობას სოფლის მეურნეობის კუთხი;. კერძოდ, მცირე მეწარმაეებისთვის ტექნიკურ დახმარებას“.
„მიმდინარე პროექტის _ „გურიის ხილი აკადემიის“ ფარგლებში მოხდა ორ მუნიციპალიტეტს შორის მემორადუმის გაფორმება, რომელიც ითვალისწინებს ჩოხატაურში მცხოვრები ფერმერების დახმარებას. მსგავსი პროექტები მნიშვნელოვანია ჩოხატაურის მუნიციპალიტეტისთვის, რომ ხელი შევუწყოთ ფერმერების გაძლიერებას და განვითარებას“, _ თქვა ჩოხატაურის მუნიციპალიტეტის მერიის საინვესტიციო გარემოს განვითარების განყოფილების უფროსმა ზაზა ცინცაძემ.
შეხვედრაზე აღნიშნეს, რომ სულ მალე ცნობილი გახდება, თუ რა სახით მოხდება მცირე მეწარმეებისთვის დახმარების გაწევა და როგორი იქნება ურთიერთთანამშრომლობის კონკრეტული წესები.
