ჩოხატაურში 800 მოსწავლეზე გათვლილი ახალი სკოლის პროექტირება იწყება, _ ინფორმაციას მუნიციპალური განვითარების ფონდი ავრცელებს.
“ინფრასტრუქტურის სამინისტროს მუნიციპალური განვითარების ფონდი ჩოხატაურის მუნიციპალიტეტში 800 მოსწავლეზე გათვლილი სკოლის პროექტირებას იწყებს.
პროექტი შემდგომში გამოყენებული იქნება საქართველოს სხვადასხვა რეგიონში, როგორც განმეორებადი მოდელი.
მომზადებული პროექტის მიხედვით, მოსწავლეებისთვის უნდა მოეწყოს საერთაშორისო სტანდარტების შესაბამისი თანამედროვე ინფრასტრუქტურა, მათ შორის საკლასო და რესურს ოთახები, ინფორმაციული და საკომუნიკაციო ტექნოლოგიების კაბინეტი, სამეცნიერო ლაბორატორია, სახვითი და გამოყენებითი ხელოვნების სივრცე, მუსიკის ოთახი.სკოლის შენობაში ასევე უნდა განთავსდეს ბიბლიოთეკა, კვებისათვის განკუთვნილი სივრცე, სამედიცინო კაბინეტი, მანდატურის ოთახი, მრავალფუნქციური და სპორტული დარბაზები.გარდა ამისა, პროექტის ფარგლებში სკოლის ტერიტორიაზე უნდა მოეწყოს სათამაშო მოედანი, ღია, ხელოვნურსაფარიანი კომბინირებული სპორტული მოედანი და გასახდელები.პროექტით გათვალისწინებული უნდა იყოს, ასევე, უსაფრთხოების, წყალმომარაგებისა და გათბობა-ვენტილაციის თანამედროვე სისტემების მოწყობა, _ წერია ფონდის მიერ გავრცელებულ ინფორმაციაში.
