ჩოხატაურში, ერთი კვირის წინ მომხდარი სტიქიის შედეგად მიყენებული ზარალის დათვლა ჯერ კიდევ დასრულებული არ არის.
“ზარალის დათვლა ჯერ კიდევ მიმდინარეობს”,_ განუცხადეს “გურია ნიუსს” მერიის პრესსამსახურში.
ინფორმაციისთვის, 11 ოქტომბერს ჩოხატაურის მუნიციპალიტეტში სტიქიამ დაბასა და სოფლებს ზიანი მიაყენა.
უხვმა ნალექმა სოფლებში დააზიანა შიდა სასოფლო გზები, წარმოშვა მეწყრული ზონები.
დაბაში, მდინარე ორპირას კალაპოტთან, ძლიერი ქარისა და წვიმის შედეგად, წაიქცა ხეები.
მუნიციპალიტეტის მერმა, ხელმძღვანელ პირებთან ერთად, მოინახულა სტიქიის ზონები.
სტიქიის შემსწავლელი კომისია ადგენს ზარალის ოდენობას.
ავტორი
