დღეს, ოზურგეთში # 60 საოლქო-საარჩევნო კომისიაში იმყოფებოდნენ საქართველოს ცენტრალური საარჩევნო კომისიის თავმჯდომარე, გიორგი კალანდარიშვილი. ასევე მასთან ერთად იყვნენ მოადგილეები, გიორგი სიორიძე, გიორგი შარაბიძე და ასევე კომისიის წევრები.
გიორგი კალანდარიშვილი შეხვდა ოზურგეთის საარჩევნო კომიიის წევრებს და მედიის წარმომადგენლებს.
მან ისაუბრა რეგიონებში მოძრაობის უმთავრეს მიზანზე _ მისი თქმით, ეს არის ადგილზე მჭიდრო კომუნიკაცია საოლქო საარჩევნო კომისიის წევრებთან.
_გვსურს, ადგილზე დავადგინოთ რეალური გამოწვევები, ვისაუბროთ პირისპირ და არა ონლაინ რეჟიმში. ჩვენ გვაქვს ახალი სლოგანი: „ერთად ვატარებთ არჩევნებს“. გვსურს დავეხმაროთ ოზურგეთის საოლქო საარჩევნო კომისიის წევრებს, რომ უფრო ეფექტური გახდეს საქმიანობა.
გიორგი კალანდარიშვილმა შეხვედრის დროს ისაუბრა სიახლეებზე _ კონკრეტული ცვლილებების შესახებ, რომ კომისიის წევრთა რაოდენობა 12 წევრიდან 17 წევრამდე გაიზარდა. რომ 2 ოქტომბერს საარჩევნო კომისია სრულიად მზად დახვდეს ამომრჩეველს და ჩატარდეს დემოკრატიული არჩევნები.
ხანგრძლივი, საინტერესო საუბრის შემდეგ, კალანდარიშვილმა ოზურგეთის საოლქო საარჩევნო კომისიის წევრებს ჰკითხა, რა იყო მათთვის ყველაზე საინტერესო, თუ ჰქონდათ კითხვები ასე აქტიურ გურულებს.
კომისიის წევრმა ბადრი აბუსერიძემ დასვა კითხვა, თუ გვექნება კოვიდუბნები.
გიორგი კალანდარიშვილმა თქვა, რომ ეს ფაქტი სერიოზულ სირთულეს ქმნის.
_ზოგადად, ადგილობრივ არჩევნებზე ათი მილიონი ბიულეტენი იბეჭდება, ანუ ყველაზე მეტი. ჩვენ უნდა გადავთვალოთ, ვინ იქნება არჩევნებზე, ხომ არ შეიქმნება ასე ხმის ფარულობას საფრთხე. ამაზე უნდა ვიფიქროთ! _ თქვა მან და აღნიშნა ისიც, რომ ჯერ ეს გაურკვეველია.
შეხვედრაზე დასვეს კითხვები, როგორ მიიღებენ მონაწილეობას არჩევნებში, მუნიციპალიტეტის საზღვრებს გარეთ, კლინიკებში მყოფი პაციენტები. თუმცა ეს ჯერ დაზუსტებული არ არის და უახლოეს მომავალში უნდა გაირკვეს.
გამოითქვა მოსაზრება აგრეთვე იმის თაობაზე, რომ ახლანდელი საოლქო საარჩევნო კომისიის შენობაში არსებული ფართი ვერ აკმაყოფილებს მოთხოვნებს. აქ ვერ დაეტევა საარჩევნო პერიოდის განმავლობაში თავმოყრილი კონტიგენტი. ამიტომ გადაწყვეტილება მიღებული აქვთ, რომ არჩევნების პერიოდში საარჩევნო კომისიამ სამუშაოდ გადაინაცვლოს ოზურგეთის სპორტის სასახლეში.
რაც შეეხება უბნების გადათვლას, რომელიც მოხდება კენჭისყრის დღიდან არაუგვიანეს მე-6 დღისა. საოლქო კომისია არსებული საარჩევნო უბნებიდან შემთხვევითი შერჩევით კომისიის სხდომაზე გამოავლენს 5 საარჩევნო უბანს, გახსნის პაკეტებს და ხელახლა გადათვლის. აღნიშნული პროცედურის განხორციელებისათვის საოლქო კომისიის არსებული ფართი არასაკმარისია და გადათვლა მოხდება სპორტის დარბაზში.
გიორგი კალანდარიშვილმა და თანხლებმა პირებმა ოზურგეთის სპორტის სასახლე დაათვალიერეს.
[sexy_author_bio]
