“ჩვენი სიტყვა არ უნდა იყოს ადამიანების პროვოცირება, რომ ეკლესიებს გვიკეტავენ” _ მეუფე საბა

ჩვენი თითოეული ნაბიჯი და წარმოთქმული სიტყვა უნდა იყოს ხელისშეწყობა ამ საფრთხის აცილებისათვის და არა ადამიანების პროვოცირება იმისთვის, რომ თითქოს  ჩვენ დღეს გვდევნიან და ეკლესიებს გვიკეტავენ, _ განაცხადა ჩრდილოეთ ამერიკის ეპარქიის ეპისკოპოსმა საბა ინწკირველმა.

“მაცხოვარმა რაც გააკეთა, ყველაფერი გააკეთა ადამიანებისთვის, თავი დადო, ჯვარზე ავიდა და ჯვარცმის წინ ფეხები დაბანა თავის მოწაფეებს და უთხრა, რომ “მე არ მოვსულვარ იმისთვის, რომ თქვენ მემსახუროთ მე, არამედ მე გემსახუროთ თქვენ. ვინ ითვლება ამაში? ამაში ითვლებიან ადამიანები. ჩვენ გვგონია, რომ ღმერთს სჭირდება ჩვენი მსახურება, ჩვენი მსახურება არის ადამიანების მიმართ, ამიტომ დღეს, ყველაზე მეტად, ჩვენი მსახურება, აღდგომის დღესასწაულის განცდა, უნდა იყოს ადამიანების თანადგომის და იმ საფრთხის თავიდან აცილების, რის წინაშეც დგას ჩვენი ქვეყანა და მთელი სამყარო.

ჩვენი თითოეული ნაბიჯი და წარმოთქმული სიტყვა უნდა იყოს ხელისშეწყობა ამ საფრთხის აცილებისათვის და არა ადამიანების პროვოცირება იმისთვის, რომ თითქოს  ჩვენ დღეს გვდევნიან და ეკლესიებს გვიკეტავენ. ეკლესიებს არავინ კეტავს ჩემო კარგებო,”-განაცხადა ეპისკოპოსმა საბამ.