CNN – რუსეთის პატრიარქი კირილი ევროკავშირის ახალი  სანქციების მეექვსე რაუნდში შევიდა

,,რუსეთის მართლმადიდებლური ეკლესიის მეთაური, პატრიარქი კირილი იმ პირებს შორისაა, რომლებიც ევროკავშირის სანქციების მეექვსე რაუნდში მოხვდებიან“, _ ამის შესახებ CNN ორი წყაროზე დაყრდნობით წერს, რომლებმაც ნახეს სრული დოკუმენტები.

ტელეკომპანიის წყაროების ინფორმაციით, შემოთავაზებული პროექტი განსახილველად გადაეგზავნა შესაბამის ელჩებს.

ევროკომისიის წყაროს თქმით, ამ ეტაპზე, სახელები შეიძლება მოიხსნას ან დაემატოს წევრი ქვეყნების შეხედულებისამებრ.

დღეს, 4 მაისს,  ევროკომისიის პრეზიდენტმა ურსულა ფონ დერ ლაიენმა შემოგვთავაზა ზომების მთელი რიგი, რომელიც, ასევე, მოიცავს რუსული ნავთობის აკრძალვას.

ამ კვირაში მიცემულ ინტერვიუში, რომის პაპმა ფრანცისკემ გააკრიტიკა კირილი იმის გამო, რომ მხარს უჭერდა რუსეთის მიერ უკრაინაში შეჭრას  და გააფრთხილა, რომ არ გახდეს “პუტინის საკურთხევლის ბიჭი”.

რას ამბობს რუსეთი: სანქციები კარგავს შეხებას საღ გონებასთან, – თქვა რუსეთის მართლმადიდებლური ეკლესიის სპიკერმა ვლადიმერ ლეგოიდამ, იტყობინება რუსული სახელმწიფო საინფორმაციო სააგენტო TASS – ი.

„რაც უფრო განურჩეველი ხდება [ეს] სანქციები, მით უფრო კარგავენ კავშირს საღ აზრთან და მით უფრო რთულდება მშვიდობის მიღწევა, რისთვისაც ლოცულობს რუსეთის მართლმადიდებელი ეკლესია ყოველ წირვაზე უწმინდესის პატრიარქის ლოცვა-კურთხევითა და დახმარებით. ყველას, ვინც დაზარალდა უკრაინის კონფლიქტით, მხოლოდ მისი სიტყვების დადასტურებას ემსახურება.

მხოლოდ მათ, ვინც სრულიად უგულებელყოფს ჩვენი ეკლესიის ისტორიას, შეუძლიათ შეეცადონ  დააშინონ მისი სასულიერო პირები და მორწმუნეები გარკვეული სიების შედგენით“,- თქვა ლეგოიდამ Telegram-ის პოსტში.