ზამთრის სეზონის მოახლოებასთან ერთად პანდემიის ფონზე სეზონური გრიპიც აქტიურდება, რაც ნიშნავს, რომ თქვენ შესაძლოა გაცივდეთ, მაგრამ კორონავირუსზე ტესტის გაუკეთებლობის შემთხვევაში, დამოუკიდებლად ვერ მიხვდეთ ჩვეულებრივ გაციებასთან გაქვთ საქმე თუ ვირუსთან და უნდა მიიღოთ თუ არა გაციების საწინააღმდეგო ისეთი პრეპარატები როგორიცაა, მაგალითად, Tamiflu, უნდა იყოთ თუ არა იზოლირებული ოჯახის წევრებისგან და ა.შ.
როგორც ცნობილია, COVID-19 არ არის დაკავშირებული კონკრეტულ სეზონთან, თუმცა ექსპერტები ვარაუდობენ, რომ კიდევ ერთი COVID ტალღა იქნება ოქტომბრიდან იანვრამდე, გრიპი კი დეკემბრიდან თებერვლამდე აქტიურია.
გარდა ამისა, ცნობილია, რომ კორონავირუსი უფრო ადვილად ვრცელდება, ვიდრე გრიპი, განსაკუთრებით მაშინ, როდესაც ადამიანი უსიმპტომოა.
ამერიკის შეერთებული შტატებების დაავადებათა კონტროლისა და პრევენციის ცენტრი აქვეყნებს გრიპის, კორონავირუსის და გაციების სიმპტომებს, რასაც ადამიანებმა ყურადღება უნდა მიაქციონ.
ცენტრის ინფორმაციით, გაციების სიმპტომები 1-3 დღემდე პერიოდში იჩენს თავს. მას ახასიათებს ხანმოკლე სიცხე, ტკივილები, ზოგჯერ დაღლილობისა და სისუსტის შეგრძნება, ხშირი ცემინება, მსუბუქი ხველა, სუნთქვის გაძნებელა ( ცხვირის გაჭედვა), ყელის ტკივილი, თავის ტკივილი, იშვიათად გემოს და სუნის დაკარგვა, იშვიათად დიარეა.
რაც შეეხება კორონავირუსის სიმპტომებს, ის დაინფიცირებიდან 2-5 დღემდე პერიოდში იჩენს თავს. ახასიათებს ხშირი ცხელება, ტკივილები, შემცივნება, დაღლილობის და სისუსტის შეგრძნება, მშრალი ხველა, ცემინება, სუნთქვის გაძნელება (ცხვირის გაჭედვა), ყელის და თავის ტკივილი, ქოშინი, გულ-მკერდის შებოჭვა, გემოს და სუნის აღქმის დაკარგვა, დიარეა.
გრიპის სიმპტიმები 1-4 დღეში იწყება. ახასიათებს ცხელება, ტკივილები, ხანდახან შემცივნება, დაღლილობის და სისუსტის შეგრძნება, ხშირი ხველა, უმეტესად მშრალი, ყელის ტკივილი, თავის ტკივილი, იშვიათად გემოვნების და ყნოსვის დაკარგვა, ზოგჯერ დიარეა.
AAFA აღნიშნავს, რომ გაციებამ და გრიპმა შეიძლება გამოიწვიოს ასთმა, რომელსაც თან ახლავს სუნთქვის გაძნელება, გულმკერდის ტკივილი ან შებოჭილობა და/ან სწრაფი სუნთქვა.
ჯანდაცვის სფეროს წარმომადგენლები აღნიშნავენ, რომ თუ რომელიმე ჩამოთვლივ სიმპტომს შენიშნავთ, უმჯობესია დარჩეთ სახლში და ჩაიტაროთ ტესტი. ისინი ასევე საზოგადოებას კოვიდსაწინააღმდეგო და გრიპის ვაქცინების გაკეთებისკენ მოუწოდებენ.
