ევროპელი მეცნიერების ჯგუფმა, რომლებიც მთელს კონტინენტზე ძველი და ისტორიული ნივთების მოძიებითა და აღმოჩენით არიან დაკავებულნი, ცოტა ხნის წინ, საფრანგეთის ძველ გალიურ ქალაქ ნანტში, ცნობილი იტალიელი მხატვრისა და მეცნიერის – ლეონარდო და ვინჩის ხელნაწერის ფრაგმენტი იპოვეს. სხვათა შორის, მეცნიერების იგივე ჯგუფმა, დაახლოებით ერთი წლის წინ, და ვინჩის კუთვნილი სხვა ნივთებიც ნახეს.
ახლად აღმოჩენილი დოკუმენტი იმ კოლექციის ნაწილია, რომელიც ფრანგულ ქალაქ ნანტს, ცნობილმა მეცენატმა და ხელოვნების მოყვარულმა – პიერ ანტუან ლაბუშერმა უსახსოვრა.
ამ ეტაპზე, ჯერ-ჯერობით უცნობია, თუ რა წერია აღორძინების ეპოქის მოღვაწის ხელნაწერში. ტექსტი სარკის ანარეკლის მიხედვით არის შექმნილი. თუმცა, აღმოჩენის შემდეგ, მეცნიერები ვარაუდებს უკვე ხმამაღლა გამოთქვამენ.
“როგორც ჩანს, ტექსტი XVI საუკუნის იტალიური სალიტერატურო ენის გავლენით არის დაწერილი. გაშიფვრა მეცნიერების საქმეა”, – განაცხადა ნანტის ბიბლიოთეკის ხელმძღვანელმა.
აღსანიშნავია, რომ დაახლოებით ორი წლის წინ, ამავე კოლექციაში, რომელშიც ხუთი ათასი უნიკალური დოკუმენტი არის დაცული, ცნობილი კომპოზიტორის – მოცარტის ნოტების ხელნაწერიც აღმოაჩინეს.
ავტორი
