ხერსონის რაიონის სოფელ კისელივკაში ერთადერთი ეკლესია რუსული დაბომბვის შედეგად განადგურდა. ამის შესახებ უკრაინის თავდაცვის მინისტრმა ოლექსი რეზნიკოვმა განაცხადა, იტყობინება Ukrinform.
“ერთადერთი ეკლესია სოფელ კისელივკაში (ხერსონის რაიონი) სრულად განადგურდა დაბომბვის შედეგად. ჰააგის IV კონვენცია იცავს რელიგიურ შენობებს საომარი მოქმედებების დროს, მაგრამ რუსი ომის დამნაშავეებისთვის არ არსებობს ღმერთი და არც რელიგიის პატივისცემა”, – წერს რეზნიკოვი.
