2022 წელს, საქართველოში მომხდარი ავტოსაგზაო შემთხვევების შედეგად 430 ადამიანი დაიღუპა, ხოლო 7517 დაშავდა. ამის შესახებ შინაგან საქმეთა სამინისტროს მიერ გამოქვეყნებულ სტატისტიკაშია ნათქვამი.
გავრცელებული ინფორმაციით, საქართველოს სისხლის სამართლის კოდექსის მიხედვით, 2022 წელს 5469 ავტოსაგზაო შემთხვევაა მომხდარი.
უწყების ინფორმაციით, ყველაზე მეტი ავტოსაგზაო შემთხვევა დედაქალაქში მოხდა. თბილისში 2498 ავარია მოხდა, რის შედეგადაც 61 ადამიანი დაიღუპა, 3201 დაშავდა. აჭარაში 512 ავტოსაგზაო შემთხვევა დაფიქსირდა. მომხდარ ავარიებს 35 ადამიანი ემსხვერპლა, 693 დაშავდა. სამეგრელო ზემო-სვანეთში 276 ავტოსაგზაო შემთხვევა მოხდა, რის შედეგადაც 38 ადამიანი დაიღუპა, 444 დაშავდა. იმერეთი-რაჭა- ლეჩხუმი და ქვემო სვანეთი – მომხდარია 671 ავტოსაგზაო შემთხვევა, დაღუპულია 81, ხოლო დაშავებულია 988 ადამიანი. შიდა ქართლში 305 ავტოსაგზაო შემთხვევა მოხდა, 43 ადამიანი დაიღუპა, ხოლო 521 დაშავდა. ქვემო ქართლში 399 ავარია დაფიქსირდა, რასაც 37 ადამიანი ემსხვერპლა, 581 კი დაშავდა. რაც შეეხება კახეთს, იქ 378 ავარია მოხდა, რის შედეგადაც 65 ადამიანი დაიღუპა, 630 – დაშავდა. სამცხე- ჯავახეთში მომხდარი 122 ავტოსაგზაო შემთხვევის შედეგად 12 ადამიანი დაიღუპა, 198 დაშავდა. მცხეთაში 207 ავარია მოხდა, 44 ადამიანი დაიღუპა, ხოლო 269 დაშავდა. გურიაში კი მომხდარ 97 ავტოსაგზაო შემთხვევას 14 ადამიანი ემსხვერპლა, 168 დაშავდა. რაც შეეხება აფხაზეთის ავტონომიურ რესპუბლიკას – 4 ავარია მოხდა, რის შედეგადაც 4 ადამიანი დაშავდა.
რაც შეეხება ასაკობრივ გადანაწილებას, დაღუპულებს შორის 0-6 წლის – 4, 7-17 წლამდე – 9, 18-25 წელი – 60, 26-40 წელი – 70, 41-60 წელი – 96, 61 და მეტი წელი – 70, დაუდგენელი 1 პირია.
რაც შეეხება საგზაო სატრანსპორტო შემთხვევების გამომწვევ სავარაუდო მიზეზებს, შინაგან საქმეთა სამინისტროს სტატისტიკით,
სატრანსპორტო საშუალების მართვა ალკოჰოლური სიმთვრალის მდგომარეობაში – 189 შემთხვევა, დაიღუპა – 14, დაშავდა – 288.
სატრანსპორტო საშუალების მართვა ნარკოტიკული ან ფსიქოტროპული საშუალებების ზემოქმედების – 3 შემთხვევა, დაშავდა 3 ადამიანი.
მოძრაობის დადგენილი სიჩქარის გადაჭარბება ავარიის მიზეზი 334 შემთხვევაში გახდა, დაიღუპა – 57, დაშავდა – 526.
შემხვედრი მოძრაობის ზოლში გადასვლა ან გასწრების წესების დარღვევა – 387, დაიღუპა – 49, დაშავდა – 771.
საგზაო ნიშნის ან მონიშვნის დაუმორჩილებლობა- 193 შემთხვევა, დაიღუპა – 6, დაშავდა – 279. მოძრაობის დაწყების მანევრი – 100 შემთხვევა, დაიღუპა 8, დაშავდა – 137.
მოხვევის მანევრი- 205 შემთხვევა, დაიღუპა- 9, დაშავდა 929.
მობრუნების მანევრი- 19 შემთხვევა, დაშავდა- 207 ადამიანი.
უკუსვლით მოძრაობა – 63 შემთხვევა, დაიღუპა- დაიღუპა 3, დაშავდა-63.
გზაჯვარედინის გავლის წესების დარღვევა – 93 შემთხვევა, დაიღუპა 3, დაშავდა – 152.
ქ/მ გადასასვლელის გავლის წესების დარღვევა – 214 შემთხვევა, დაიღუპა 204, დაშავდა – 209.
მგზავრთა გადაყვანის წესების დარღვევა- 13 შემთხვევა, დაშავდა- 14 ადამიანი.
ტვირთის გადაზიდვის წესების დარღვევა – 2 შემთხვევა, დაშავდა -4.
დისტანციის დაუცველობა-294 შემთხვევა, დაიღუპა – 9, დაშავდა- 437.
სატრანსპორტო საშუალების დგომა-გაჩერების წესების დარღვევა – 6 შემთხვევა, დაშავდა -6.
განლაგების წესის დარღვევა- 37 შემთხვევა, დაიღუპა-4, დაშავდა – 46.
რკინიგზის გადასასვლელის გავლის წესის დარღვევა – 3 შემთხვევა, დაშავდა -5.
სხვა სახის საგზაო მოძრაობის წესის დარღვევა- 2605 შემთხვევა, დაიღუპა- 91, დაშავდა – 3206.
რაც შეეხება სატრანსპორტო საშუალებების ტიპს, ყველაზე ხშირად ავარიაში მსუბუქი ავტომობილები ხვდებიან.
უწყების ცნობით, მსუბუქი ავტოსატრანსპორტო საშუალებით ავარიის 3591 შემთხვევა დაფიქსირდა. მომხდარს 205 ადამიანი ემსხვერპლა, დაშავდა – 4944.
სამარშრუტო სატრანსპორტო საშუალება – 267 შემთხვევა. დაიღუპა-11, დაშავდა – 494.
სატვირთო- 284 შემთხვევა, დაიღუპა – 47, დაშავდა-400.
მოტოციკლი – 473 შემთხვევა- დაიღუპა- 9, დაშავდა- 512.
სხვა სატრანსპორტო საშუალება – 53 შემთხვევა, დაიღუპა- 4, დაშავდა- 60.
დაუდგენელი- 92 შემთხვევა. დაიღუპა- 1, დაშავდა -92.
