31 იანვარს ჯანმომ და ევროკავშირმა საქართველოს 180-ზე მეტი ჟანგბადის კონცენტრატორი, 2 000 პულსოქსიმეტრი და სხვა სამედიცინო აღჭურვილობა გადასცეს. აღჭურვილობა გამოყენებული იქნება სოფლის სამედიცინო დაწესებულებების გასაუმჯობესებლად.
“მიუხედავად იმისა, რომ გადაცემის ცერემონიები შეიძლება რუტინული გახდეს, არაფერია რუტინული იმ ადამიანების ცხოვრებაში, რომლებიც ცდილობენ სუნთქვას ან არ აქვთ სათანადო ჯანდაცვა. ჯანმო-სა და საქართველოს მთავრობასთან პარტნიორობით, ჩვენ ვაგრძელებთ მუშაობას, რათა დავრწმუნდეთ, რომ მთელი საქართველოს მასშტაბით, მოქალაქეები COVID-19-ის პანდემიის დროს, შესაფერის ჯანდაცვასა და მხარდაჭერას იღებენ”, – განაცხადა ევროკავშირის ელჩმა საქართველოში.
მარაგი შეძენილი იქნა ევროკავშირი-გაეროს ფართომასშტაბიანი პროგრამით, ქვეყანაში COVID-19-ის გავრცელების გავლენის შემცირების, სოფლის ჯანდაცვის დაწესებულებების გაძლიერების მიზნით. მოგვიანებით, ამ ინიციატივის ფარგლებში, სოფლის ამბულატორიულ ერთეულებს ტელემედიცინის აღჭურვილობა გადაეცემა.
[sexy_author_bio]
