რუსეთში 9 მაისთან დაკავშირებით სამხედრო აღლუმი ჩატარდა.
“რუსეთი ყველაფერს გააკეთებს იმისათვის, რომ თავიდან აიცილოს „გლობალური კონფლიქტი“, მაგრამ ასევე არ დაუშვებს ქვეყანას რაიმე საფრთხე შეექმნას”,_ განაცხადა rt-ს ინფორმაციით, რუსეთის პრეზიდენტმა მოსკოვში ნაცისტურ გერმანიაზე გამარჯვების დღისადმი მიძღვნილ აღლუმზე სიტყვით გამოსვლისას.
პუტინმა აღნიშნა, რომ რუსი სამხედროები „ყოველთვის მზადყოფნაში არიან“ და მზად არიან დაიცვან ქვეყნის სუვერენიტეტი.
”დასავლეთს სურს დაივიწყოს მეორე მსოფლიო ომის გაკვეთილები, მაგრამ ჩვენ გვახსოვს, რომ კაცობრიობის ბედი გადაწყდა გრანდიოზულ ბრძოლებში მოსკოვთან და ლენინგრადთან, ისევე როგორც სხვა ქალაქებთან”, – თქვა პუტინმა.
რუსეთის პრეზიდენტმა ხაზგასმით აღნიშნა, რომ რუსეთი თავის ისტორიაში „რთულ ეტაპობრივ პერიოდს განიცდის“ და აღნიშნა, რომ ქვეყნის ბედი თითოეულ რუსზეა დამოკიდებული.
„ჩვენ აღვნიშნავთ ამ გამარჯვების დღეს სპეცოპერაციის პირობებში – ყველა მონაწილე, ვინც ფრონტის ხაზზე დგას, ისინი ჩვენი გმირები არიან. ქედს ვიხრით მათი გამძლეობისა და თავგანწირვის წინაშე. მთელი რუსეთი თქვენთანაა“, – განაცხადა პუტინმა.
რუსეთის ლიდერმა ხაზგასმით აღნიშნა, რომ ქვეყანას ახსოვს ყველა, ვინც ნაციზმთან ბრძოლისას დაკარგა სიცოცხლე და ისინი, ვინც დაიღუპნენ უკრაინის კონფლიქტის დროს. მან მათ ხსოვნას პატივი წუთიერი დუმილით მიაგო.
„9 მაისი ყოველთვის ძალიან ემოციური, მტკივნეული დღეა… გამარჯვების დღე ყველა თაობას აერთიანებს. ჩვენ წინ მივდივართ ჩვენს მრავალსაუკუნოვან ტრადიციებზე დაყრდნობით და დარწმუნებულნი ვართ, რომ ერთად უზრუნველვყოფთ რუსეთის თავისუფალ, უსაფრთხო მომავალს“, – განაცხადა პუტინმა.
