ყველაზე მაღალი ტემპერატურა დაუფიქსირდა ამერიკელ უილი ჯონსს ატლანტიდან 1980 წელს. მიზეზი სითბური დარტყმა გახდა. ჰოსპიტალში გადაყვანის მომენტში მისი სხეულის ტემპერატურა 46, 5 გრადუსი იყო. 24 საათის შემდეგ ჯონსი საავადმყოფოდან გამოწერეს.
ყველაზე დაბალი ტემპერატურა 14, 2 გრადუსი დაფიქსირდა 1994 წლის 23 თებერვალს. 2 წლის კანადელმა გოგონამ კარლა კოზოლოვსკიმ -22 გრადუს ყინვაში 6 საათი გაატარა. ექიმებმა შეძლეს მისი გადარჩენა.
ყველაზე მოხუცი ადამიანი, რომელსაც ოპერაცია გაუკეთეს, ამერიკელი ჯეიმს ჰენრი ბრეტ-უმცროსი იყო, ის 111 წლის იყო, როდესაც თეძოზე ოპერაცია გაიკეთა.
ყველაზე მეტი წამლები ზიმბაბველმა კილნერმა მიიღო. 1967 წლის 9 ივნისიდან დაწყებული 1988 წლის 18 ივლისის ჩათვლით პაციენტმა 565 939 ტაბლეტი მიიღო.
ყველაზე მეტი ინექცია ბრიტანელმა სემუელ დევიდსონმა გაიკეთა – 78 900 ინსულინის ნემსი.
სისხლის რეკორდული რაოდენობა გადაუსხეს 50 წლის ამერიკელ უორენ ჯირიჩს 1970 წელს. გულზე ოპერაციის დროს პაციენტს 2400 დონორის ერთეული სისხლი დასჭირდა(1, 080 ლ).
1954 წლიდან 1994 წლის ჩათვლით ამერიკელ ჩარლზ იენსენს 970 -ჯერ ამოკვეთეს ხორცმეტი.
ათი წლის განმავლობაში, 1979 წლიდან 1989 წლამდე ამერიკელ ნორმა უიკვაირს, რომელიც რევმატიული ართრიტით იყო დავადებული 10-იდან 8 მსხვილი სახსარი ხელოვნურით შეუცვალეს.
ნორვეგიელ მეთევზეს იან რევსდალს 4 საათის განმავლობაში გაჩერებული ჰქონდა გული. იგი გემიდან წყალში გადავარდა ბერგანის რაიონში.
1977 წელს “ფორმულა-1”-ის პილოტმა, ბრიტანელმა დევიდ პერლიმ კატასტროფის შედეგად 29 მოტეხილობა მიიღო. საავადმყოფოში ოპერაციის დროს მისი გული 6-ჯერ გაჩერდა. გამოჯანმრთელების შემდეგ იგი დაუბრუნდა ავტორბოლებს. 1985 წლის 2 ივლისს დევიდი ავიაკატასტროფაში დაიღუპა, როდესაც მისი თვითმფრინავი ზღვაში ჩავარდა ბენგორ-რეჯისის სიახლოვეს.
