„ქართულ ოცნებაში“ „ნაციონალურ მოძრაობაში“ მიმდინარე პროცესებს აფასებენ. მმართველი გუნდის წევრებს მიაჩნიათ, რომ პარტიაში ბრძოლა შიდაპარტიული გავლენებისა და ფინანსური ინტერესებისთვის მიმდინარეობს.
„უმძიმესი დრო უდგას „ნაციონალურ მოძრაობას“. ეს არის აბსოლუტურად არაჯანსაღი „ნაციონალური მოძრაობისთვის“, მაგრამ საბოლოოდ ძალიან კარგი პროცესი, ქართული პოლიტიკური სპექტრისთვის, რაც გულისხმობს ოპოზიციიდან დესტრუქციული, ძალადობასა და არეულობაზე ორიენტირეული პოლიტიკური ძალის გაქრობას და მის ადგილას სხვა ოპოზიციური ძალის გაჩენას. ეს ძალიან მნიშვნელოვანია ქართული პოლიტიკური სპექტრისთვის“, – აცხადებს საპარლამენტო უმრავლესობის წევრი დავით მათიკაშვილი.
