დღეს, ენმ-ს, ოზურგეთის რაიონული ორგანიზაციის თავმჯდომარემ, დავით მჟავანაძემ ჟურნალისტებთან გააკეთა განცხადება, რომ პოლიტიკურ ორგანიზაცია “ალტ ინფოს” ოზურგეთის ოფისი რამდენიმე დღეში გაიხსნება.
მისივე თქმით, ოზურგეთში ოფისის გასახსნელად უკვე სამი თვეა ფართს ეძენებ და ალტ ინფოელებს კი ფართის დათმობაზე ყველამ უარი უთხრა.
_,, ქართულმა ოცნებამ’’ საქმეში თბილისის მერის , კახა კალაძის მეგობარი ილია კეჭაყმაძე ჩართო. ,, ალტ ინფოს’’ ოფისი ახლა, გურიის ქუჩაზე უნდა გაიხსნას და ეს ფართი ილია კეჭაყმაძისა და მისი მეუღლის საკუთრებაა. მაშინ როცა უკრაინაში ომი მიმდინარეობს, ისინი ვერ მოახერხებენ რუსული დაკვეთის შესრულებას და ოზურგეთში ოფისის გახსნას . _ თქვა მჟავანაძემ და წარმოადგინა ამონაწერი საჯარო რეესტრიდან.
მჟავანაძემ არაერტხელ გაიმეორა, რომ ფართი ილია კეჭაყმაძეს მეუღლის სახელზე აქვს გაფორმებული და ახლა, როცა უკრაინაში იხოცებიან ბავშვები, იბომბება ქვეყანა რუსი ოკუპანტის მიერ, ოზურგეთში ასეთ მოღალატეობრივ გზას ადგანან. მისივე თქმით, „ქართულმა ოცნებამ“ უნდა შეწყვიტოს ეს ქმედება. რადგან დადგება დრო და ამას ქართველი ხალხი არ აპატიებთ.
„გურია ნიუსი“ ილია კეჭაყმაძეს დაუკავშირდა და თხოვა, გაეკეთებინა კომენტარი, რამდენად შეესაბამება ეს ფაქტი სიმართლეს:
_რას მეკითხებით? ვერ გავიგე. ეს არის დავით მჟავანაძის ბოდვები. სხვათა შორის, ადრეც ჰქონდათ მას და მის გარემოცვას ასეთი ბოდვები და სასამართლო წააგეს ჩემთან. მე ვესიზმრები მაგათ და ღმერთმა კიდევ დიდხანს ამყოფოთ და დიდხანს დაასიზმროთ ჩემი თავი, _ გვითხრა ილია კეჭაყმაძემ.
[sexy_author_bio]
