პოლიტიკური მოძრაობა “ტრიბუნას” ლიდერი დავით ჭიჭინაძე ინიციატივით გამოდის და ოპოზიციურ პოლიტიკურ სპექტრს მოუწოდებს, აქციების დროს დაჯარიმებული ადამიანებს ფინანსური დახმარება გაუწიონ.
“გამოვდივართ ორი ინიციატივით:
1. ნიკა მელიას და ყველა იმ ადამიანს, ახალგაზრდებს, ვინც ამ აქციების დროს იქნება დაჯარიმებული, დავეხმაროთ ყველას უკლებლივ და ერთობლივად ავიღოთ ის ფინანსური ტვირთი, რასაც მათ „ოცნების“ ხელისუფლება, „ოცნების“ პროკურატურა დააკისრებს.
2. დავიწყოთ ბიძინა ივანიშვილის გასაშვებად ფულის შეგროვების კამპანია.
ანუ, როგორც ივანიშვილის ხელისუფლების მოსვლის დროს აგროვებდა ხალხი ფულს, როდესაც “ქართუ ბანკის” ანგარიშების დაყადაღება ხდებოდა, ახლა მის გაშვებაში მივიღოთ მონაწილეობა.
ბოლოსდაბოლოს მოვუგროვოთ ის თანხა, რომელიც მისთვის საკმარისი იქნება, იქნებ დატოვოს ეს ქვეყანა და ქარვასლად აღარ აქციოს. რადგან, რასაც ბოლო წლებია ვუყურებთ, ღირსება მათთვის არაფერს წარმოადგენს, მხოლოდ ფინანსური ინტერესები.
ეს კი იმის დასტურია, რომ საკუთარ ხალხს ეს ადამიანი არ იცნობს, _ აცხადებს პოლიტიკური მოძრაობა „დავით ჭიჭინაძე – ტრიბუნას“ ლიდერი.
