ძლიერმა წვიმამ ვიეტნამში წყალდიდობა და მეწყერი გამოიწვია. აღნიშნულ ინფორმაციას REUTERS ავრცელებს.
როგორც ვიეტნამის საგანგებო სიტუაციების მართვის სააგენტოში ამბობენ, სტიქიის შედეგად 7 ადამიანი დაიღუპა, 12 კი დაიკარგა.
სტიქიამ ასევე საცხოვრებელი სახლები და გზები დააზიანა.
მაუწყებლის ცნობით, სტიქიის შედეგად დაღუპულთა რიცხვის გაზრდა გამორიცხული არ არის.
როგორც ცნობილია, ვიეტნამში წყალდიდობების შედეგად ყოველწლიურად ასობით ადამიანი იღუპება.
