კორონავირუსის წინააღმდეგ პატრიარქის ვაქცინირება დღის წესრიგში დგას, თუმცა ჯანმრთელობის მდგომარეობიდან გამომდინარე, საბოლოო გადაწყვეტილება შესაბამისი პროფილის ექიმებმა უნდა მიიღონ – ამის შესახებ ილია II-ის პირადმა ექიმმა, შალვა პეტრიაშვილმა განაცხადა.
“დღის წესრიგში პატრიარქის ვაქცინაცია, რასაკვირველია, დგას. ის ჯანმრთელი ადამიანი არ არის, ბევრი პრობლემა აქვს, რომლის დროსაც ვაქცინის გაკეთება სასურველი არ არის.
ვაქცინაციის პროცესი მასზე დამოკიდებული არაა, ამას გადაწყვეტენ ისინი, ვინც მის ფარისებრი ჯირკვლის პრობლემას, შაქრიან დიაბეტს, ალერგიულ მომენტებს მეთვალყურეობენ. სწორედ ამის შემდეგ გადაწყდება, გაიკეთებს თუ არა პატრიარქი კორონავირუსის საწინააღმდეგო ვაქცინას“, _ გვითხრა შალვა პეტრიაშვილმა.
