დიდმა ბრიტანეთის, Ofcom-ის რეგულაციების სამსახურმა რუსეთის მთავრობის მფლობელობაში მყოფ პროპაგანდისტულ არხ Russia Today-ს მაუწყებლობის ლიცენზია შეუჩერა.
“RT ფინანსდება რუსეთის ხელისუფლების მიერ, რომელიც ახლახან შეიჭრა მეზობელ სუვერენულ სახელმწიფოში. ჩვენ ასევე მხედველობაში გვაქვს რუსეთის ახალი კანონი, რომელიც ნებისმიერ, ხელისუფლების ნარატივისგან განსხვავებულ, განსაკუთრებით კი უკრაინაში შეჭრასთან დაკავშირებით დამოუკიდებელი ჟურნალიზმის კრიმინალიზებას ახდენს. არსებული ვითარებიდან გამომდინარე შეუძლებლად მიგვაჩნია, რომ RT დაექვემდებაროს ჩვენი მაუწყებლობის მიუკერძოებლობის წესებს.
ჩვენ ვაღიარებთ, რომ RT ამჟამად გათიშულია დიდ ბრიტანეთში, ევროკავშირის მიერ დაწესებული სანქციების შედეგად, უკრაინაში შეჭრის დაწყების შემდეგ. ჩვენ სერიოზულად ვითვალისწინებთ ჩვენს დემოკრატიულ საზოგადოებაში მაუწყებლის უფლების გამოხატვის თავისუფლებაზე და აუდიტორიის უფლებას მიიღოს ინფორმაცია და იდეები ზედმეტი ჩარევის გარეშე. ჩვენ, ასევე სერიოზულად ვითვალისწინებთ საზოგადოების ნდობის შენარჩუნებას გაერთიანებული სამეფოს მაუწყებლობის მარეგულირებელი რეჟიმის მიმართ.
ყოველივე ამის გათვალისწინებით, ისევე როგორც ჩვენი დაუყოვნებელი და განმეორებითი შეშფოთების გათვალისწინებით, ჩვენ დავასკვნათ, რომ არ შეგვიძლია დავრწმუნდეთ, რომ RT შეიძლება იყოს პასუხისმგებელი მაუწყებელი მიმდინარე გარემოებებში. ამიტომ Ofcom აუქმებს RT-ს მაუწყებლობის ლიცენზიას, რომელიც დაუყოვნებლივ შევიდა ძალაში.” – წერია Ofcom-ის რეგულაციების სამსახურის განცხადებაში.
ცნობისთვის, რუსეთის მიერ უკრაინაში შეჭრის ფონზე ევროკავშირის ქვეყნებში იბლოკება რუსული სამთავრობო მედიები, Russia Today და Sputnik-ი.
უკრაინაში რუსეთში კიდევ ერთხელ შეჭრის საპასუხოდ, ორმა კანადურმა საკაბელო არხმა რუსული სამთავრობო არხი Russia Today საკუთარი არხის ხაზიდან ამოიღო.
კანადის მემკვიდრეობის მინისტრი პაბლო როდრიგესი მიესალმა Bell-ის მიერ RT-ის შეზღუდვას და აღნიშნა, რომ რუსეთი აწარმოებს საინფორმაციო ომს მთელ მსოფლიოში. მეორე კომპანია – Rogers რუსული პროპაგანდისტული RT-ის მაუწყებლობის ნაცვლად, ეთერში უკრაინის დროშას გადასცემს.
