2025 წლის თებერვალში მოსულმა უხვმა თოვლმა გურიაში მსხვერპლი და ზარალი გამოიწვია. ოზურგეთის მუნიციპალიტეტის საკრებულოს ერთ–ერთ ბოლო სხდომაზე 2025 წლის კვარტლის ანგარიშის წარდგენის დროს გაირკვა, რომ ოზურგეთის მუნიციპალიტეტის მერიაში თებერვლის დიდთოვლობის შედეგად დაზარალებული მოქალაქეებისგან 4 047 განცხადება შევიდა.
“მიმდინარე წლის თებერვლის თვეში მოსული ნალექის (დიდთოვლობა) შედეგად მნიშვნელოვანი ზარალი განიცადა მუნიციპალიტეტის მოსახლეობამ. დიდთოვლობის შედეგად ჩაინგრა საცხოვრებელი და სხვა დანიშნულების შენობების სახურავები; ასევე ნაწილობრივი დაზიანება მიიღო სახლების სახურავებმა. სულ დაზიანებების თაობაზე შემოვიდა 4 047 განცხადება. ინფრასტრუქტურის განყოფილების თანამშრომლებმა აქტიური მონაწილეობა მიიღეს სტიქიის შედეგების შესწავლისა და სალიკვიდაციო–აღდგენითი სამუშაოების განხორციელების უზრუნველსაყოფად საჭირო მონაცემების შეგროვების მიზნით“, _ აღნიშნულია ამ დოკუმენტში.
ასევე, დოკუმენტში წერია, რომ “გააქტიურებული მეწყერული პროცესების, წყალდიდობების და ქარიშხლის შედეგად, მუნიციპალიტეტში დაზიანდა ადგილობრივი ინდივიდუალური და მრავალბინიანი საცხოვრებელი სახლები. სამსახურის თანამშრომლების მიერ, ადმინისტრაციული ერთეულების წარმომადგენლებთან ერთად ადგილზე იქნა შესწავლილი დაზიანებული ობიექტები. ჩატარებული ღონისძიებების შედეგად განისაზღვრა დაზიანებული ობიექტების სარეაბილიტაციოდ ჩასატარებელი სამუშაოები. განხორციელდა სარეაბილიტაციო სამუშაოების საპროექტო დოკუმენტაციების მომზადება, რომლის საფუძველზე მიმდინარეობს სტიქიის შედეგების სალიკვიდაციო ღონისძიებები“.
2025 წლის კვარტლის ანგარიშში, რომელიც საკრებულოს სხდომაზე განიხილეს ჩაწერილია, თუ რა სახის სამუშაოები ჩატარდა ქალაქ ოზურგეთში და იმ სოფლებში, სადაც დიდთოვლობის გამო ზარალი ინტენსიური იყო; ვფიქრობთ, მკითხველისთვის საინტერესო იქნება ეს ჩამონათვალი _ მოქალაქეს თავად შეუძლია გადაამოწმოს, ნახოს, მონიტორინგი გაუწიოს, რამდენად სწორია ანგარიშში მოტანილი ინფორმაცია.
გთავაზობთ ამ ანგარიშის შესაბამისს მონაკვეთს უცვლელად. დოკუმენტის გადამოწმება შესაძლებელია ოზურგეთის მერიის ოფიციალურ ბმულზე.
“სტიქიის შედეგების სალიკვიდაციო ღონისძიებების თაობაზე საქართველოს მთავრობის 2023 წლის 20 იანვრის #116 განკარგულებით გამოყოფილი თანხებით 2024 წელს დაიწყო და დასრულდა: – ქ. ოზურგეთში, გამსახურდიას ქუჩის ჩიხში მდინარის გასწვრივ სტიქიის შედეგად დაზიანებული რ.ბ–ის საყრდენი კედლისა და ასფალტობეტონის გზის სავალი ნაწილის აღდგენის სამუშაოები, ღირებულებით 62 148,04 ლარი. სტიქიის შედეგების სალიკვიდაციო და პრევენციული ღონისძიებების განხორციელების მიზნით 2024 წელს, საქართველოს მთავრობის #2400 განკარგულებით გამოყოფილი თანხებით, 2025 წელს დასრულდა:
_ ოზურგეთის მუნიციპალიტეტის შრომის ადმინისტრაციულ ერთეულში სოფ. ორმეთში, მდ. ორმეთზე ამბულატორიასთან სტიქიის შედეგად დაზიანებული მილხიდის აღდგენის სამუშაოები, მიმდინარე წელს შესრულებული სამუშაოების ღირებულება 76 782,08 ლარი;
_ ქალაქ ოზურგეთში მდ. ბჟუჟის შენაკადზე სტიქიის შედეგად დაზიანეული არსებული ხიდის სარეაბილიტაციო სამუშაოები, მიმდინარე წელს შესრულებული სამუშაოების ღირებულება 33 730,25 ლარი;
_ მზა ბეტონის ნარევის შესყიდვა და მოწოდება ოზურგეთის მუნიციპალიტეტის შრომისა და ნატანების ტერ. ერთეულებისათვის, მიმდინარე წელს შესრულებული სამუშაოების ღირებულება 44 707.75 ლარი;
_ ოზურგეთის მუნიციპალიტეტში, სოფ, ბაილეთში სასაფლაოსკენ მიმავალ გზაზე სტიქიის შედეგად დაზიანებული ფერდის გამაგრება, მიმდინარე წელს შესრულებული სამუშაოების ღირებულება 42 793.05 ლარი;
_ ოზურგეთის მუნიციპალიტეტში, დაბა ნასაკირალში და სოფ. მელექედურში, ღელე სატეხიაზე (ხარაბაძის სახლთან), სტიქიის შედეგად დაზიანებული მილხიდის აღდგენა, მიმდინარე წელს შესრულებული სამუშაოების ღირებულება 55 850.45 ლარი; – ოზურგეთის მუნიციპალიტეტში, დაბა ნასაკირალში ვიტალი თარგამაძის ორსართულიანი კორპუსის სახურავის სარეაბილიტაციო სამუშაოები, ღირებულებით _ 24 901.87ლარი;
_ მზა მავთულის ბადის (ბეტონის გზის მოსაწყობად) შესყიდვა, ღირებულებით 12 210 ლარი;
_ ქალაქ ოზურგეთში, ა. ჯორჯიაშვილის, ჩიხი 1, #12-ში, მრავალბინიანი საცხოვრებელი სახლის სახურავის სარეაბილიტაციო სამუშაოები, მიმდინარე წელს შესრულებული სამუშაოების ღირებულება 66786,76 ლარი;
_ დაბა ნარუჯაში მესამე რაიონის დაბის ცენტრთან დამაკავშირებელი,მდ.ლელაზე არსებული საავტომობილო ხიდის აღდგენის სამუშაოები, მიმდინარე წელს შესრულებული სამუშაოების ღირებულება 177 400.89 ლარი;
_ ოზურგეთის მუნიციპალიტეტის, ნატანების ადმინისტრაციულ ერთეულში მდ. შავაზე ე.წ. შავას უბნის, ნატანების ცენტრთან დამაკავშირებელი სტიქიის შედეგად დაზიანებული, საავტომობილო ხიდის აღდგენა, მიმდინარე წელს შესრულებული სამუშაოების ღირებულება 157 004.07 ლარი;
_ ქ. ოზურგეთში, გაბრიელ ეპისკოპოსის ქ. #25-ში სტიქიის შედეგად დაზიანებული მრავალბინიანი კორპუსის სახურავის სარეაბილიტაციო სამუშაოები, ღირებულებით 89 540,98 ლარი; მიმდინარე წელს შესრულებული სამუშაოების ღირებულება 62 201.3 ლარი;
სოფ.ნატანებში (ჯაფარეულა) მცხოვრები ზაზა გობრონიძის და გოჩა მერმანიშვილის საცხოვრებელი სახლების მიმდებარედ სტიქიის შედეგად დაზიანებული რკ/ბეტონის სანიაღვრე არხის და საყრდენი კედლის მოწყობის სამუშაოები, 39 013,33 ლარი;
_ ქ. ოზურგეთში, ჭავჭავაძის ქ. N10-ში სტიქიის შედეგად დაზიანებული მრავალბინიანი კორპუსის სახურავის სარეაბილიტაციო სამუშაოები, ღირებულებით 57 776,96 ლარი.
მიმდინარეობს:
_ ოზურგეთის მუნიციპალიტეტის ტერიტორიაზე სტიქიის შედეგად დაზიანებული ხიდების, სახიდე გადასასვლელების, ხიდბოგირების, მილხიდების მოწყობისა და რეაბილიტაციის სამუშაოები. მიმდინარე წელს შესრულებული სამუშაოების ღირებულებამ შეადგინა 56 9180 ლარი;
_ ოზურგეთის მუნიციპალიტეტის ტერიტორიაზე სტიქიის შედეგად დაზიანებული საყრდენი კედლების, ნაპირსამაგრი ნაგებობების, გაბიონების მოწყობისა და რეაბილიტაციის სამუშაოები. მიმდინარე წელს შესრულებული სამუშაოების ღირებულებამ შეადგინა 56 9180 ლარი; – ოზურგეთის მუნიციპალიტეტში, სოფ. ნატანებში (ჯაფარეულა) ზაზა გობრონიძის ეზოს მიმდებარედ სტიქიის შედეგად დაზიანებული საყრდენი კედლის მოწყობის სამუშაოები, ღირებულებით – 287 453,30 ლარი; მიმდინარე წელს შესრულებული სამუშაოების ღირებულება 186 695.92 ლარი;
_ ქ. ოზურგეთში, ჩოხატაურის ქუჩაზე სტიქიის შედეგად დაზიანებული სანიაღვრე არხის, ტროტუარის და მილხიდების მოწყობის სამუშაოები, ღირებულებით 63641 ლარი;
სულ საანგარიშო პერიოდში დასრულდა 14 პროექტი.
#2400 განკარგულებით გამოყოფილი თანხებით, განხორციელებულ სამუშაოებზე საკასო შესრულებამ 2025 წლის განმავლობაში შეადგინა 1 550 514,49 ლარი.
საანგარიშო პერიოდში მოეწყო: 5 (ხუთი) ერთეული ხიდი და მილხიდი, გადაიხურა ოთხი მრავალბინიანი სახლი (გადახურული სახურავების საერთო ფართობი _ 3 720 კვმ), მოეწყო საყრდენი კედელი საერთო სიგრძით _ 157 გრძ.მეტრი, სანიაღვრე არხი საერთო სიგრძით _ 164 გრძ.მეტრი.
ინფრასტრუქტურის განვითარების განყოფილების სპეციალისტები მჭიდროდ თანამშრომლობენ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში არსებულ, სსიპ დევნილთა, ეკომიგრანტთა და საარსებო წყაროებით უზრუნველყოფის სააგენტოსთან, რომელიც დახმარებას უწევს მეწყრის და სხვა სტიქიური მოვლენების შედეგად დაზიანებულ მოსახლეობას.
ოზურგეთის მუნიციპალიტეტის მერის 2024 წლის 7 მარტის “ოზურგეთის მუნიციპალიტეტის მერიაში სახელმწიფო შესყიდვების შესახებ ხელშეკრულების პირობების შესრულების კონტროლის მიზნით სამუშაო ჯგუფების შექმნის შესახებ” ბრძანების შესაბამისად სამსახურის თანამშრომლები რეგულარულად ახორციელებენ ოზურგეთის მუნიციპალიტეტის ტერიტორიაზე მიმდინარე სხვადასხვა ინფრასტრუქტურული პროექტების მონიტორინგს.
2025 წლის პირველი კვარტლის განმავლობაში განყოფილებამ განახორციელა ქმედებები შემოსული განცხადებების საფუძველზე. შემოსული განცხადებების საფუძველზე განყოფილების თანამშრომლებმა განახორციელეს დაზარალებული ოჯახების და დაზიანებული ობიექტების მდგომარეობების შესწავლა. ასევე შემოსული მომართვების საფუძველზე განხორციელდა მიმდინარე ინფრასტრუქტურული პროექტების პერიოდული მონიტორინგი და დოკუმენტაციების მომზადება შემოსული მოთხოვნების შესაბამასად, უფლებამოსილების ფარგლებში. პასუხები გაეცა მოქალაქეების მხრიდან შემოსულ განცხადებებს“, _ ნათქვამია ანგარიშში.
