დონალდ და მელანია ტრამპებმა თეთრი სახლი უკვე დატოვეს. ჩვენ დავბრუნდებით, ამა თუ იმ ფორმით, – განაცხადა დონალდ ტრამპმა.
მისივე თქმით, „ეს იყო 4 საოცარი წელი“.
„ჩვენ ძალღონე არ დავიშურეთ. თქვენს პრეზიდენტად ყოფნა ჩემთვის უდიდესი პატივი და პრივილეგია იყო“, – განუცხადა მან მხარდამჭერებს.
ჯო ბაიდენის ინაუგურაციამდე, რომელიც ადგილობრივი დროით 12:00 საათზე გაიმართება (თბილისის დროით 21:00 საათზე), დონალდ ტრამპი ენდრიუსის სამხედრო ბაზიდან ფლორიდაში გაემგზავრება.
დღეს აშშ-ის 46-ე პრეზიდენტის, ჯოზეფ ბაიდენისა და ვიცე-პრეზიდენტის, კამალა ჰარისის ინაუგურაცია გაიმართება.
