რუსეთის მიერ მხარდაჭერილი თვითგამოცხადებული „დონეცკის სახალხო რესპუნბლიკის“(დსრ) სეპარატისტული რეჟიმის წარმომადგენლების განცხადებით, სულ მცირე 40 უკრაინელი სამხედრო ტყვე დაიღუპა დასახლებულ პუნქტ ელენოვკაში მდებარე კოლონიაზე განხორციელებული სარაკეტო იერიშის შედეგად.
დანიილ ბეზსონოვის, დსრ-ის ე.წ. ინფორმაციის მინისტრის მოადგილის მტკიცებით, სარაკეტო დარტყმა კოლონიაზე უკრაინის არმიამ ზალპური ცეცხლის რეაქტიულ დანადგარ HIMARS-იდან განახორციელა. იერიშის შედეგად დაიჭრა 130 ადამიანი.
დონეცკელ სეპარატისტთა წარმომადგენლის ამ გზავნილს აქტიურად ციტირებენ რუსული სააგენტოები, თუმცა მათ ინფორმაციის სხვა წყაროები არ მოჰყავთ. უკრაინელ სამხედროებს ამ განცხადებაზე კომენტარი ჯერ არ გაუკეთებიათ. ასევე არ არსებობს დამოუკიდებელი დადასტურება კოლონიის დაბომბვისა და პატიმრების დაღუპვის ფაქტის შესახებ.
დონეცკელ სეპარატისტების კონტროლირებად ელენოვკაში მდებარეობს 120-ე კოლონია, სადაც დიდწილად იმყოფებიან ის უკრაინელი სამხედრო ტყვეები, რომლებიც ქალაქ მარიუპოლში მიმდინარე წლის მაისში დაატყვევეს.
უკრაინის სარდლობის ცნობით, პარასკევს ღამით, საარტილერიო და სარაკეტო იერიშები განხორციელდა ილოვაისკსა (დონეცკის რაიონი) და ბრილოვკაში (ხეროსნის რაიონი), სადაც რუსეთის ჯარების საბრძოლო მასალების საწყობები იქნა განადგურებული.
თავის მხრივ უკრაინის სარდლობა რუსეთის არმიას ადანაშაულებს უკრაინის სამოქალაქო ობიექტების დაბომბვაში.
28 ივლისს რუსეთის ჯარებმა მიიტანეს სარაკეტო იერიში ქალაქ ნიკოლაევში მდებარე ჰუმანიტარული დახმარების პუნქტზე. “იერიში განხორციელდა კერძო სექტორზე, უფრო ზუსტად ჰუმანიტარული დახმარების გამცემ პუნქტზე. ეს უკვე ტენდენციად იქცა”, – დაწერა ტელეგრამის არხში ნიკოლაევის საოლქო-სამხედრო ადმინისტრაციის უფროსმა, ვიტალი კიმმა.
მანამდე 21 ივლისს, მორიგი სარაკეტო იერიშის შედეგად ნიკოლაევში მდებარე ჰუმანიტარული დახმარების ერთ-ერთი შტაბი მთლიანად განადგურდა. ვიტალი კიმის თანახმად, დაიწვა ათასობით ტონა პროდუქტი, რომელიც ბავშვებისა და ხანდაზმული ადამიანებისთვის იყო განკუთვნილი.
28 ივლისს ხუთი ადამიანი დაიღუპა და კიდევ 25 დაშავდა უკრაინის ცენტრალური უკრაინის ქალაქ კრაპოვნიცკიზე რუსეთის ჯარების სარაკეტო დარტყმის შედეგად.
ხოლო კიევის ოლქში რუსეთის სარაკეტო თავდასხმის შედეგად ხუთშაბათს 15 ადამიანი დაშავდა.
წყარო: რადიო თავისუფლება
