შინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1996 წელს დაბადებული პ.გ., ძარცვის ბრალდებით, ცხელ კვალზე დააკავა. მის მიერ ჩადენილი დანაშაული 5 წლამდე თავისუფლების აღკვეთას ითვალისწინებს.
გამოძიებამ დაადგინა, რომ ბრალდებულმა მიმდინარე წლის 4 ივნისს ოზურგეთში, 26 მაისის ქუჩაზე, 1962 წელს დაბადებულ ნ.ჟ.-ს საფულე გასტაცა და შემთხვევის ადგილიდან მიმალვა სცადა. სამართალდამცველებმა პ.გ. მომხდარიდან რამდენიმე წუთში დააკავეს. პოლიციამ ნაძარცვი საფულე ნივთმტკიცებად ამოიღო. გამოძიების ფარგლებში, ბრალდებულმა მიმდინარე წლის 31 მაისს ოზურგეთში ჩადენილი ძარცვის ფაქტიც აღიარა, რა დროსაც მან გრიბოედოვის ქუჩაზე ქვეითად მიმავალ თ.დ.-ს საფულე გასტაცა და მიიმალა. გამოძიება ძარცვის ფაქტზე, საქართველოს სსკ-ს 178-ე მუხლის 1-ლი ნაწილით მიმდინარეობს.
