ძიუდოისტმა ილია სულამანიძემ ოქროს მედალი მოიპოვა

ქართველმა ძიუდოისტმა ილია სულამანიძემ თელ-ავივში მიმდინარე გრანდ სლემზე ოქროს მედალი მოიპოვა. მან ნიდერლანდელი მიხაელ კორელი სუფთა გდებით დაამარცხა.

100 კგ წონით კატეგორიაში მოასპარეზე ქართველმა ძიუდოისტმა ნახევარფინალში აზერბაიჯანელი ზელიმ კოცოევი დაამარცხა.

თელ-ავივში მიმდინარე გრანდ სლემის დასკვნით დღეს საქართველოს ნაკრების ღირსების დასაცავად ექვსი ძიუდოისტი გამოვიდა.