დემოკრატიისა და სამოქალაქო განვითარების ინსტიტუტის მხარდაჭერით დაფუძნდა ეკონომიკურ გამოწვევებზე მომუშავე საკონსულტაციო საბჭო.
ჯგუფის წევრები არიან, საქართველოში ეკონომიკური დარგის სპეციალისტები, რომლებიც სხვადასხვა უნივერსიტეტს წარმოადგენენ. საბჭო იმუშავებს იმ ეკონომიკურ გამოწვევბზე, რომლებიც არსებობს საქართველოში და მის ფარგლებს გარეთ. სამუშაო ჯგუფის მიზანს წარმოადგენს გლობალური ეკონომიკური ტრენდებისა და ტენდეციების კვლევა, რათა უკეთ გაანალიზდეს საქართველოზე მათი ზეგავლენის კონკრეტული ფორმები.
პრეზიდენტის ადმინისტრაციის უფროსის გიორგი აბაშიშვილის განცხადებით, ეკონომიკურ გამოწვევებზე მომუშავე საკონსულტაციო ჯგუფი, ყველა იმ პრობლემურ და აქტუალურ საკითხზე იმუშავებს, რომელიც საქართველოს ეკონომიკაშია.
ძალიან მნიშვნელოვანია, რომ დღეს ფუძნდება ეკონომიკურ გამოწვევებზე მომუშავე საკონსულტაციო ჯგუფი. ამ საკონსუკლტაციო ჯგუფის წევრები არიან საქართველოს სხვადასხვა უნივერსიტეტის აკადემიური სფეროს წარმომადგენლები, პროფესიონალი ეკონომისტები. აღნიშნული ჯგუფი იმუშავებს ყველა იმ პრობლემურ, აქტუალურ საკითხზე, გამოწვევაზე, რომელიც საქართველოს ეკონომიკაშია. გააკეთებს ამ ყველაფრის ანალიზს, შეიმუშავებს რეკომენდაციებს და გააცნობს მას, როგორც შესაბამის სტრუქტურებს ისე საზოგადოებას. დღეს, ერთ ერთი მთავრი პრობლემა, რომელიც ჩვენს ქვეყანაშია, არის სწორედ კვალიფიციური დისკუსია ეკონომიკურ საკითხებზე. ამავდროულად, მოსახლებისთვის კვლავ მთვარ საკითხად რჩება ის პირობები, რომელიც სწორედ ეკონომიკიდან მომდინარეობს _ ეს არის დასაქმება, ჯანდაცვა, ბიზნესის განვითარება და ა.შ. ყველა ამ საკითხზე ეს ჯგუფი იმუშავებს.“ – განაცხადა გიორგი აბაშიშვილმა
ეკონომიკურ გამოწვევბზე მომუშავე საკონსულტაციო საბჭო საწყის ეტაპზე 6 მიმართულებით იმუშავებს: მაკროეკონომიკურ პრობლემებზე და სტაბილურობაზე, ინოვაციების და თანამედროვე ინდუსტრიულ პოლიტიკაზე, ფინანსებსა და ფულად-საკრედიტო სისტემაზე, საგარეო ვაჭრობასა და ინვესტიციებზე, კონკურენტუნარიანობაზე და ფასეულობათა ჯაჭვის ფორმირებაზე და საერთაშორისო ბიზნესის გამოწვევბზე. აღნიშნულ საკითხებზე, მუშაობის დასრულების შემდგომ, გაიცემა შესაბამისი რეკომენდაციები, შესაბამის სტრუქტურებზე.
ეკონომიკურ გამოწვევბზე მომუშავე საკონსულტაციო საბწოს თავმჯდომარის გიორგი ღაღანიძის თქმით, საბჭოში წარდგენილი კვლევების საფუძველზე, გარკვეული რეკომენდაციები, ქვეყნის უმაღლეს ხელისუფლებას მიეცემა, რომლის საფუძველიც იქნება გატარდეს გააზრებული ეკონომიკური პოლიტიკა, რომელიც უპასუხებს, თანამედროვე გამოწვევბს
,,პრობლემები საქართველოს ეკონომიკაში არის კომპლექსური, შესაბამისად, უნდა გაანალიზდეს ყველა ასპექტი. ეს აპექტები მოიცავს, როგორც თანამედროვე ინდუსტრიულ პოლიტიკას, როგორც ინოვაციურობას, საგარეო ეკონომიკურ საქმიანობას და მაკროეკონომიკურ სტაბილურობას, სწორედ ამ ნიშნით იქნა შერჩეული ექსპერტთა ჯგუფი, რომლებიც ცალ-ცალკე ამ მიმართულებით უკვე, ძალიან დიდი ხანია მუშაობენ. ჩვენი მცდელობა იქნება, ეს მუშაობა გავაერთიანოთ და ამის საფუძველზე და წარმოდგენილი კვლევების საფუძველზე, მივცეთ გარკვეული რეკომენდაციები, ქვეყნის უმაღლეს ხელისუფლებას, რაც იქნება საფუძველი იმისა, რომ გავატაროთ გააზრებული ეკონომიკური პოლიტიკა, რომელიც პასუხობს თანამედროვე გამოწვევბს, რომ არ გვქონდეს გარკვეული ცალმხრივობა და ერთი რომელიმე მიმართულება არ იქნას აღიარებული, ყველა დანარჩენი პრობლემის გადამწყვეტ გზაზე.
ჩვენ, ყველა საკითხზე ვიმუშავებთ ერთდროულად, პირველი პრეზენტაციას როდესაც ჩვენ გავმართავთ, ალბათ ჩვენი გეგმმის მიხედვით, ეს იქნება ქვეყნის საგარეო ეკონომიკურ საქმიანობაზე, ვაჭრობაზე და საექსპორტო პოტენციალზე, რომელსაც იანვრის მეორე ნახევარში ვგეგმავთ”, _ აღნიშნა გიორგი ღაღანიძემ.
