ოზურგეთში დაფიქსირებულია კოვიდინფიცირების 10174 შემთხვევა, მათ შორის გამოჯანმრთელებულია 9138 პაციენტი, გარდაცვლილია 83. გასულ 24 საათში კი დაფიქსირდა ინფიცირების 72 შემთხვევა.
ოზურგეთის საზოგადოებრივი ჯანდაცვის ცენტრის ეპიდემიოლოგი ელზა სიმონიშვილი ამბობს, რომ ფონი რჩება ისევ დაძაბული.
“ეპიდემიოლოგიური ფონი რჩება ისევ დაძაბული. დადებითი შემთხვევების რაოდენობა არ კლებულობს. დინამიკა გვაქვს ისევე მზარდი. რაც შეეხება დადასტურებებს, როგორც ქალაქის ტერიტორიაზე, ასევე სოფლებში გვაქვს დადებითი შემთხვევები. ბოლო დღეების განმავლობაში უფრო მეტი დადასტურება გვაქვს ლაითურში, მაკვანეთში, ცხემლისხიდში.
ბავშვთა დაწესებულებებშიც ყოველდღე დასტურდება ინფიცირების შემთხვევები, რის გამოც 6 სკოლაში გვაქვს ჰიბრიდული სწავლება. შემზღუდველი ღონისძიებები 9 ბაღში გვაქვს დაწესებული, ამათგან 6 ბაღი არის სრულად იზოლაციაში, რადგან ვერ ხერხდება დისტანციის დაცვა, ბავშვები ნიღბებს ვერ ატარებენ. რეგულაციების ძირითადი მოთხოვნების დაცვაც ვერ ხერხდება. სრულად იზოლაციაშია ლიხაურის, ლაითური 2-ის, დვაბზუს, ასკანის, სილაურის საბავშვო ბაღები”,_ ამბობს სიმონიშვილი.
