„გურია ნიუსის“ წყაროს ინფორმაციით, სენაკის ერთ-ერთ საჯარო სკოლაში პედაგოგებს შორის სიტყვიერი დაპირისპირება მოხდა. როგორც ირკვევა, სიტყვიერი დაპირისპირების გამო, პედაგოგი საავადმყოფოში გადაიყვანეს.
მასწავლებელი, რომელიც სიტყვიერი დაპირისპირების დროს ცუდად გახდა, შორენა შამათავაა, იგი ამავე სკოლის ყოფილი დირექტორია, რომელიც, როგორც თავად ამბობს, პოლიტიკური ნიშნით გაათავისუფლეს. იგი ახლანდელ სკოლის დირექტორს თავდასხმაში ადანაშაულებს
_ ამ წუთასაც სტაცონარში ვწევარ, მიტარდება კვლევები. თავს დამესხა, დამიწყო ჩხუბი. მოხდა შეკამათება ჩვენს შორის. თითქოსდა, გუშინ მე გაკვეთილი გავაცადინე, რაც სიმართლეს არ შეესაბამება. დაპირისპირება სწორედ ამას მოჰყვა.ბოლო ხმაზე მიყვიროდა. პოლიციის მაღალჩიონისნის მეუღლეა. უნდა, რომ მასწავლებლობიდანაც გამათავისუფლოს. პოლიცია მაიძულებდა, ოქმზე ხელმოწერას. დახელწერებას ითხოვდნენ.
– თქვენ თქვით, რომ პოლიტიკური ნიშნით მოხდა თქვენი გათავისუფლება?
– დიახ. მეც გამოცდა მქონდა ჩაბარებული, მაგრამ ეგ „ოცნების“ შტაბიდან დაინიშნა, წინაასარჩევნოდ პედაგოგებზე ოცნების სასარგებლოდ რომ იმუშავოს.
დამატებითი დეტალების დასაზუსტებლად „გურია ნიუსი“ სენაკის რესურსცენტრს დაუკავშირდა.
“არაფერსაც არ დაწერ. კომენტარს არ ვაკეთებ”, _ განუცხადა “გურია ნიუსს” რესურცენტრის უფროსმა ელისო შურღაიამ.
ამგვარი პასუხები ამ ბოლო დროს საჯარო მოხელეების მხრიდან უკვე ტრადიციად იქცა და როგორც ჩანს, შურღაიაც ამ “ტრადიციას” არ არღვევს.
