ლარის მასშტაბურ ვარდნასთან დაკავშირებით, ეროვნული ბანკის პრეზიდენტი განმარტებებს აკეთებს და ამბობს, რომ ლარის გაუფასურება, საგარეო შოკებს უკავშირდება. მისი თქმით, დღეს საქართველო გადის საგარეო შოკს. მისივე განცხადებით, ლარის გაუფასურება კავშირშია ტურისტების შემოდინების შემცირებასთან.
„დღეს საქართველო გადის საგარეო შოკს. საქართველოში ტურისტული შემოდინებების მოსალოდნელი რაოდენობა არის შემცირებული. ეს ფაქტიური რიცხვებითაც დასტურდება,რომ საქართველოში იმაზე ნაკლები ტურისტი შემოვიდა, ვიდრე სხვა შემთხვევაში შემოვიდოდა. ეს რა თქმა უნდა, გავლენას ახდენს გაცვლით კურსზე.
რადგანაც შოკები ყოველთვის არის მოსალოდნელი მიმართულება, რომელიც არის მნიშვნელოვანი ეს არის დედოლარიზაცია. იმ შემთხვევაში თუ შემოსავალი არის ეროვნულ ვალუტაში სესხები არებული უნდა იქნას ეროვნულ ვალუტაში.
საქართველომ ერთხელ უკვე გაიარა ასეთი პერიოდი 2014-2016 წლებში, ამ პერიოდშიც კი საქართველოში იყო ზრდა და უმუშევრობა ქვეყანაში არ გაზრდილა.
“იმ შემთხვევაში თუ ჩვენ დავინახეთ, რომ კურსის განვითარება ახდენს გავლენას ინფლაციაზე, ეროვნული ბანკი ჩაერევა და გამოიყენებს ბერკეტებს რომელიც გააჩნია,” _აცხადებს ეროვნული ბანკის პრეზიდენტი.
კობა გვენეტაძე ამბობს, რომ ამ ეტაპისთვის არსებული გაცვლითი კურსი არის იმაზე უფრო მეტად გაუფასურებული ვიდრე საგარეო შოკის ზომაა.
მიუხედავად იმისა, რომ ერთი დოლარის ღირებულება 3 ლარია, მთავარი საფინანსო ინსტიტუტი ინტერვენციას არ აპირებს. ეროვნული ბანკის პრეზიდენტის განცხადებით, უწყება კვლავ დაკვირვების რეჟიმშია. ჩარევა კი მოხდება მაშინ, თუ ინფლაციის მაჩვენებელი ზღვარს გადასცდება.
rustavi2.ge
