დღეს ცნობილი გახდა, რომ მამაკაცს, რომლის ცხედარიც გუშინ ლიფტში იპოვეს, დანით 50 ჭრილობა აქვს მიყენებული. განსაკუთრებული სისასტიკით ჩადენილი მკვლელობა გახსნილია.
დაკავებულია 39 წლის მამაკაცი – მოკლულის მეგობარი და მეზობელი, რომელსაც წინასწარ დაგეგმილი დანაშაულისთვის ბენზინიც კი, მომარაგებული ჰქონდა.
მკვლელობის შემდეგ ემინ ალიევმა სისხლიანი ტანსაცმელი მეზობელ კორპუსში გამოიცვალა და მიიმალა, თუმცა შორს ვერ წავიდა, ის პოლიციამ იმავე უბანში, მუხიანში აიყვანა.
ცნობილი ხდება, რომ სისხლიან გარჩევას წინ უძღოდა სიტყვიერი შელაპარაკება და კონფლიქტი. გამოძიება ამ ეტაპზე არ საუბრობს დანაშაულის მოტივზე. დუმილის უფლებას იყენებს მკვლელობაში ბრალდებულიც, რომელსაც 20 წლამდე ან უვადო პატიმრობა ემუქრება.
“მეგობრობდნენ, ერთად იკრიბებოდნენ, ერთ სადარბაზოში ცხოვრობდნენ. ვერც წარმომიდგენია. ეს ბიჭი მკვლელი არ იქნება. ემო ისე გაიზარდა უბანში, ხმამაღლა არც დაულაპარაკია.
წყარო: რუსთავი2
