მთისპირის თემში რამდენიმე სოფელი შედის – ვანისქედი, ოქროსქედი, მთისპირი და უკანავა. ამ სოფლებს რთული რელიეფური მდებარეობა აქვს. აქ მცხოვრები ადამიანები შეჩვეულები არიან უამინდობას, მაგრამ თოვლის უჩვეულოდ მაღალმა საფარმა მათ გადაადგილების, პროდუქტისა და წამლების მარაგის შევსების შესაძლებლობა შეუზღუდა.
ჩვენ უკვე ვწერდით, რომ პროექტი “ბახვიჰესის“ დახმარებით, მთისპირის მუნიციპალიტეტთან დამაკავშირებელი გზა ინტენსიურად იწმინდება. ბახვი ჰესის მძიმე ტექნიკა მუშაობდა ვანისქედის, მშვიდობაურისა და უკანავას გზების გაწმენდით სამუშაოებზე.
ამჯერად, “ბახვიჰესის“ თანამშრომლებმა ჰუმანიტარული მისიით ამ სოფლის თემებში მცხოვრები ადამიანები, მარტოხელა მოხუცები და შშმ პირები, მათ შორის, ონკოპაციენტი მოინახულეს და პროდუქტები, აუცილებელი მედიკამენტები მიუტანეს.
პროექტის ჰუმანიტარულ აქციაში ჩაებნენ “ბახვიჰესის“ თანამშრომლები ოზურგეთიდან, ჩოხატაურიდან _ ბაჩო გოგელია, კახი მენაბდე, გიორგი ასათიანი, კარლო ძნელაძე და სოსო რთველაძე; მთისპირელი თანამშრომლები დათო მეკეიძე, გივი ჩხიკვაძე და ერეკლე ართმელაძე.
მისია ვერ იქნებოდა წარმატებული, რომ არა, ადგილობრივი მცხოვრების მაია ჩავლეიშვილის დახმარება _ თავადაც თოვლის ალყაში მოქცეულმა ზუსტად იცის ვის რა უჭირს, ვის რა სახის დახმარება სჭირდება. ის თავადაც, ბიჭებთან ერთად არიგებდა ჰუმანიტარულ დახმარებას, რომელიც მოსახლეობის ნაწილს უკვე დაურიგდა და ამ დღეებში დანარჩენი ნაწილიც მიიღებს.
“პარალელურად “ბახვი ჰესის” ტექნიკური გუნდის თანამშრომლები, რომლებიც გზის გაწმენდის სამუშაოებზე იყვნენ დაკავებულნი, ეხმარებოდნენ მოსახლეობას სახურავების დათოვლაში, გზების გაკვალვაში. გვიან ღამით ვანისქედიდან ოჯახი იყო გამოსაყვანი. ასევე, ოზურგეთის საავადმყოფოში გადავიყვანეთ პაციენტი სოფელი უკანავადან”, _ ამბობს არჩილ ძნელაძე, ბახვი ჰესის ტექნიკური დირექტორი, რომელიც თავადაც ხეობაშია და პირადად ეხმარება სოფლის მცხოვრებლებს.
ერთად ყველაფერს შევძლებთ! – ასეთია პროექტის “ბახვიჰესის“ მესიჯი და ქმედება გურიისთვის მძიმე დღეებში.
