დღეს, თბილისის დროით 15:00 საათზე ყველა, ვინც ქვეყნის ევროპული მომავლისთვის იბრძვის ერთობის ჯაჭვში ჩაებმება. უწყვეტი პროტესტის დაწყებიდან ერთი თვის თავზე თბილისში მოქალაქეები ცოცხალი ჯაჭვით ხიდებს გადაკეტავენ. მთავარი მოთხოვნები უცვლელია – ახალი არჩევნების დანიშვნა და უკანონოდ დაკავებული პირების გათავისუფლება.
ცოცხალი ჯაჭვებში დღეს საქართველოს სხვადასხვა ქალაქშიც შეიკვრება, მათ შორისაა ახმეტა, ბათუმი, გორი, გურჯაანი, დმანისი, დუშეთი, ზესტაფონი, ზუგდიდი, თელავი, ლაგოდეხი, მცხეთა, ოზურგეთი, რუსთავი, სამტრედია, სენაკი, ფოთი, ქუთაისი, ყვარელი, ხარაგაული, ხაშური. აქტივისტები ყველა ქალაქში აქტიურად ემზადებიან საყოველთაო აქციისთვის და ევროპული მომავლის დასაცავად.
“ერთობის ჯაჭვი საქართველოსთვის” უერთდებიან მსოფლიოს სხვადასხვა ქვეყანაში მყოფი ქართველებიც ავსტრალიიდან კანადამდე.
