ესპანეთის პროკურატურა შაკირასთვის 8 წლით თავისუფლების აღკვეთის მისჯას ითხოვს.
ცნობისთვის, შაკირას, რომლის სრული სახელია შაკირა იზაბელ მებარაკ რიპოლი, ბრალად ედება 2012-2014 წლებში 14,5 მილიონი ევროს გადასახადების გადაუხდელობა.
საბრალდებო დასკვნაში აღწერილია შაკირას წინააღმდეგ წაყენებული ექვსი ბრალდება. სასამართლოს თარიღი ჯერ ცნობილი არ არის.
შაკირას საზოგადოებასთან ურთიერთობის გუნდი ამბობს, რომ მომღერალი ყოველთვის ასრულებდა საგადასახადო მოვალეობას. ნათქვამია, რომ არტისტმა ჩარიცხა თანხა, რომელიც, როგორც ამბობენ, ვალია, მათ შორის 3 მილიონი ევრო პროცენტის სახით.
ბარსელონას პროკურორები ამტკიცებენ, რომ გრემის მფლობელი ყოველი წლის ნახევარზე მეტს ატარებდა 2012-2014 წლებში ესპანეთში და გადასახადები უნდა გადაეხადა ქვეყანაში.
შაკირამ ცოტა ხნის წინ დაასრულა 11-წლიანი ურთიერთობა FC Barcelona-ს ვარსკვლავ ჟერარ პიკესთან, რომელთანაც მას ორი შვილი ჰყავს. ოჯახი ბარსელონაში ცხოვრობდა.
