ევროდეპუტატების შეფასებით, საქართველოში 2020 წლის 31 ოქტომბერს ჩატარებული არჩევნები, ყველაზე ცუდი არჩევნები იყო და კითხვები გააჩინა.
2020 წლის 31 ოქტომბერს ჩატარებული არჩევნები საქართველოს ისტორიაში ყველაზე ცუდი არჩევნები იყო – ამის შესახებ ევროსაბჭოს საპარლამენტო ასამბლეის ზამთრის პლენარულ სესიაზე სიტყვით გამოსვლისას ევროდეპუტატმა ლიეტუვადან ანდრიკინე ლაიმამ განაცხადა.
ევროპარლამენტის წევრმა, ასევე საქართველოზე და 31 ოქტომბრის არჩევნებზე საუბრისას აღნიშნა, რომ ამომრჩევლებზე ზეწოლის დევნის და მარგინალიზაციის ფაქტები საკმაოდ დაფიქსირდა, თუმცა, ყველაზე დიდ შეშფოთება საარჩევნო კომისიაში ოქმების გადაწერამ გამოიწვია.
“2020 წლის 31 ოქტომბერს ჩატარებული არჩევნები საქართველოს ისტორიაში ყველაზე ცუდი არჩევნები იყო. დემოკრატიის პროცესში ეს იყო უკან გადადგმული ნაბიჯი. საქართველოს ისტორიაში პირველად გაჩნდა შესაძლებლობა კოალიციური მთავრობის შექმნის, თუმცა, არჩევნების ღამეს რაღაც შეიცვალა. ამომრჩევლებზე ზეწოლის დევნის და მარგინალიზაციის ფაქტები საკმაოდ დაფიქსირდა, თუმცა, ყველაზე დიდ შეშფოთებას საარჩევნო კომისიაში ოქმების გადაწერამ გამოიწვია, ყოველივე ეს ხელისუფლებამ საკუთარი ინტერესების დასაცავად გამოიყენა. ოპოზიცია ბოიკოტს უცხადებს არჩევნების შედეგებს მოლაპარაკებები დროში გაიწელა მხოლოდ იმიტომ, რომ მთავრობა ოპოზიციის მოთხოვნებს არ აკმაყოფილებს, ეს იქნება ერთპარტიული პარლამენტი საზოგადოებაში არავინ არ აღიარებს ამ არჩევნების შედეგებს, საქართველო მძიმე მდგომარეობაშია ამ სიტუაციიდან ერთადერთი გამოსავალი საარჩევნო სისტემის მიმართ ნდობის აღდგენა იქნება” – განაცხადა ევროპარლამენტის წევრმა, ანდრიკინე ლაიმამ.
ასევე ევროსაბჭოს საპარლამენტო ასამბლეის ზამთრის პლენარულ სესიაზე სიტყვით გამოსვლისას სხვა ევროდეპუტატბმაც აღნიშნეს, რომ საქართველოში 31 ოქტომბრის არჩევნებმა გარკვეული კითხვები გააჩინა და მთვრობას” არსებული მდგომარეობის გამოსწორებისკენ მოუწოდეს.
მათი განცხადებით, მთავრობა ვალდებულია არსებული პოლიტიკური ჩიხიდან გამოსავალი იპოვოს, ხელი შეუწყოს დემოკრატიული პრინციპების დაცვას, გაატაროს სასამართლო რეფორმები და გაითვალისწინოს საერთაშორისო საზოგადოების მიერ გაცემული რეკომენდაციები.
ევროპარლამენტარ ალექსანდრე პოსიეს თქმით, საქართველოში იყო პოლიტიკურად მოტივირებული დაკავებები და საქართველოს მთავრობას მოუწოდა დაიცვას დემოკრატიული პრინციპები.
“31 ოქტომბრის არჩევნებმა გარკვეული შეკითხვები დაგვიტოვა საერთაშორისო დამკვირვებლებმა, ოპოზიციამ და საზოგადოებამ დააფიქსირეს, რომ არჩევნები სათანადოდ არ იყო მომზადებული და არა ერთი დარღვევა დაფიქსირდა. ვუერთდები ევროპის სახალხო პარტიის მიერ კანდიდატების დაკავებასთან დაკავშირებით გამოთქმულ შეშფოთებას. ეს იყო პოლიტიკურად მოტივირებული დაკავებები. მოვუწოდებთ საქართველოს მთავრობას დაიცვას დემოკრატიული პრინციპები, უზრუნველყოს თავისუფალი და სამართლიანი არჩევნების ჩატარება, გაატაროს სასმართლო რეფორმები და უზრუნველყოს დემოკრატიული ინსტიტუტების გაძიერება ” – ამბობს ალექსანდრე პოსიე.
ევროპარლამენტის წევრის, ტიტუს კორლატენის თქმით კი, ხელისუფლებამ აუცილებლად უნდა მოახდინოს არჩევნებში დაფიქსირებული დარღვევების სამართლიანი გამოძიება.
“არჩევნებმა სამართლიან გარემოში ჩაიარა თუმცა იყო გარკვეული დარღვევები მოვუწოდებთ საქართველოს საპარლამენტო უმრავლესობას და ოპოზიციურ პარტიებს საზოგადოებაში არსებული პორალიზაციის შემცირება უზრუნველყონ. ხელისუფლებამ აუცილებლად უნდა მოახდინოს არჩევნებში დაფიქსირებული დარღვევების სამართლიანი გამოძიება, დაიცვას საერთაშორისო რეგულაციები და გაითვალისწინოს ვენეციის კომისიის რეკომენდაციები. ოპოზიციამ კი პარლამენტში დაბრუნების გადაწყვეტილება მიიღოს, რადგან ეს არის პლატფორმა სადაც მსგავსი საკითხები უდნა განიხილებოდეს”,- აცხადებს კორლატენი.
შეგახსენებთ, რომ ოპოზიცია 2020 წლის 31 ოქტომბრის საპარლამენტო არჩევნების შედეგეგებს არ აღიარებს და პარლმენტში შესვლაზე უარს აცხადებს. ისინი ხელახალი საპარლამენტო არჩევნები გამართვას, ცესკოს თავმჯდომარის გადადგომას და საარჩევნო ადმინისტრაციის ახალი შემადგენლობის დანიშვნასა და პოლიტ პატიმრების გათავისუფლებას მოითხოვენ.
