ევროკომისიამ დასავლეთ ბალკანეთის ქვეყნების და აღმოსავლეთ პარტნიორობის ქვეყნების მიერ ვიზალიბერალიზაციის კრიტერიუმების შესრულების შესახებ ანგარიში გამოქვეყნა.
მიუხედავად იმისა, რომ ქვეყნები სავიზო რეჟიმის ლიბერალიზაციის მოთხოვნებს ასრულებენ, აუცილებელია კონკრეტული ზომების მიღება და გახორციელება, _ ამის შესახებ მიგრაციის, შინაგან საქმეთა და მოქალაქეობის საკითხებში ევროკომისარმა, დიმიტრი ავრამოპოლუსმა განაცხადა.
“ერთგულად დავიცავთ უვიზო მიმოსვლის რეჟიმს დასავლეთ ბალკანეთის და აღმოსავლეთ პარტნიორობის ქვეყნების მოქალაქეებისთვის და ამ მიზნის მისაღწევად ვთანამშრომლობთ მათ მთავრობებთან. მაგრამ ამის უზრუნველსაყოფად, პასუხისმგებლობა როგორც მოქალაქეებს ასევე შესაბამის ორგანოებს ევალებათ. ჩვენ ვაღიარებთ ამ ქვეყნების ძალისხმევას, პროგრესის მიღწევას, მაგრამ მუშაობის გაგრძელებაა საჭირო და რეფორმების გაგრძელება კონკრეტული შედეგების მისაღწევად. ველოდებით, რომ ყველა ქვეყანა გააძლიერებს თავის ძალისხმევას არალეგალურ მიგრაციასთან, ორგანიზებულ დანაშაულთან და კორუფციასთან საბრძოლველად”, _ განაცხადა მან.
საქართველოსთვის უვიზო რეჟიმი ძალაში 2017 წლის 28 მარტიდან შევიდა.
28 მარტიდან 30 ნოემბრის ჩათვლით კი შენგენის ზონაში უვიზო მიმოსვლით 173 396-მა ქართველმა ისარგებლა.
საქართველომ მიაღწია პროგრესს ერთიანი მიგრაციის ანალიზის სისტემის ჩამოყალიბებაში (ტესტირება დაიწყო 2016 წლის ოქტომბერში), საზღვრებზე საფრთხეებისა და რისკის ანალიზის ერთიან სისტემაში, მიგრაციის რისკის ანალიზის მეთოდოლოგიაში, 2015 წელს მიგრაციის პროფილის განახლებაში და გააგრძელა სავიზო რეჟიმის ლიბერალიზაციის მაჩვენებლების უზრუნველყოფა. ერთ-ერთი ყველაზე დიდი გამოწვევა არის არარეგულარული მიგრაციის და იძულებით გადაადგილებულ პირთა ინტეგრაციის ძირითადი მიზეზების შეფასება.
საქართველო ახორციელებს სამი ფაზის მასშტაბურ კამპანიას და ტრენინგებს უვიზო მიმოსვლის წესების შესახებ და შენგენის ზონაში მოგზაურობის მონიტორინგს.
უსაფრთხოების მოსაზრებებიდან გამომდინარე, უარყოფილია თავშესაფრის მაძიებელთა ნახევარზე მეტი განცხადება 2017 წლის პირველ ნახევარში, რაც შეშფოთების საგანია და საქართველომ უნდა უზრუნველყოს შესაბამისი სამართლებრივი უზრუნველყოფა. ასეთ შემთხვევებში ეფექტური სამართლებრივი დაცვის საშუალებაა საპროცესო გარანტიები.
რაც შეეხება არალეგალურ მიგრაციულ გამოწვევებს ევროსტატის მონაცემებით, 2015 წელს შენგენის ზონაში 1 330 საქართველოს მოქალაქე არ შეუშვეს, 2016 წელს კი მათი რაოდენობა შემცირდა და 810 შეადგინა. EBCGA-ს მონაცემების მიხედვით, 2017 წლის მონაცემები 2016 წლის მეორე ნახევრის მსგავსია და უმნიშვნელო ზრდა შეიმჩნევა 2016 წლის პირველ ნახევართან შედარებით.
მოქალაქეებს უმეტესად უარი ეთქვათ პოლონეთის, საბერძნეთის და საფრანგეთის ქვეყნებიდან.
ევროსტატის მონაცემებით, შენგენის ზონაში 2015 წელს საქართველოს 5 405 მოქალაქე მიიჩნიეს უკანონოდ მყოფად, ხოლო 2016 წელს _ 5 240.
ყველაზე მეტი საქართველოს მოქალაქე კი არალეგალურად იმყოფებოდა შემდეგ ქვეყნებში: გერმანია (1810), საბერძნეთი (865), საფრანგეთი ( 615), ესპანეთი ( 495) ასევე, ავსტრიასა და იტალიაში.
იმ პირთა რაოდენობა, რომლებსაც ქვეყნის დატოვება უბრძანეს 2015 წელს 6 415-ს შეადგენდა, 2016 წელს კი 5 635-მდე შემცირდა, დაბრუნების მაჩვენებელი კი 45%-ით გაიზარდა. ფაქტობრივად, რედმისიის შესახებ თანამშრომლობა საქართველოსთან სამაგალითოდაა შეფასებული. ეს დადასტურდა რეადმისიის კომიტეტის სხდომაზე, რომელიც თბილისში ჩატარდა.
ევროკავშირის მხარდაჭერით საქართველოს აქვს ელექტრონული რედმისიის საქმის მართვის სისტემა. ამ სისტემას იყენებს 17 ქვეყანა და ისინი კმაყოფილები არიან. საქართველო, ასევე, გეგმავს განავითაროს სამგზავრო დოკუმენტების ბეჭდვა.
საქართველო ცდილობს ევროკავშირთან და სხვა ქვეყნებთან რედმისიის შესახებ შეთანხმებების დადებას.
საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო მთლიანად პასუხისმგებელია დაბრუნებული ქართველი მიგრანტების ეროვნული რეინტეგრაციის პროგრამის გახორციელებაზე.
წლიური რეინტეგრაციის პროგრამები მომზადებულია ეროვნულ წლიურ ბიუჯეტის ხარჯზე და მნიშვნელოვანია ბიუჯეტის ასიგნებების შესაბამისი დონე.
ევროპოლის საფრთხეების შეფასების მიხედვით, კვლევები იტყობინებიან, რომ
საქართველო ჯერ კიდევ ერთ-ერთი ქვეყანაა, იმ არაევროპულ ეროვნებებს შორის, რომლებიც ევროკავშირში სერიოზული და ორგანიზებული დანაშაულის ჩადენაში ეჭვმიტანილია ხშირად.
ქართველები განსაკუთრებით აქტიურები არიან საფრანგეთში, საბერძნეთში გერმანიაში, იტალიასა და ესპანეთში. ხშირ შემთხვევაში ქართული ორგანიზებული ჯგუფები ე.წ. ქურდულ კანონს უკავშირდება.
ეს ჯგუფები უაღრესად მობილურია და უმეტესად ქონების დანაშაულის ჩადენაში არიან ჩართულები, მაგრამ ასევე კორუფციაში, დოკუმენტების გაყალბებაში, გამოძალვაში და მათი კონტროლი კრიმინალურ ბაზრებზე თანდათან იზრდება. საქართველო რჩება სატრანზიტო ქვეყანად სხვადასხვა ტრეფიკინგისთვის, განსაკუთრებით ნარკოტიკებისთვის.
საქართველო განაგრძობს პროგრესს დანაშაულთან ბრძოლის პრევენციის სფეროში.
ანტიდისკრიმინაციის შესახებ კანონმდებლობისა და პოლიტიკის ეფექტური განხორციელების შეფასებისას, საქართველომ 2015 წელს განაცხადა, რომ მოსალოდნელია ცვლილებები, თუმცა, არც ერთი შესწორება არ მიუღიათ, რომელიც ანტიდისკრიმინაციულ კანონმდებლობას უფრო ეფექტურს გახდის.
