ევროპარლამენტმა მხარი დაუჭირა ევროკომისიის წინადადებას, რომელიც 10 ქვეყნისთვის პანდემიის გამო ეკონომიკური შედეგების დასაძლევავად სასწრაფო მაკროფინანსურ დახმარებას ითვალისწინებს.
როგორც DW იუწყება, ბრიუსელში დღეს გამართულ პლენარულ სხდომაზე, გადაწყვეტილებას მხარი 547 დეპუტატმა მისცა ხმა, 93 საპარლამენტო დეპუტატი “წინააღმდეგია”, 47-მა კი თავი შეიკავა. ახლა დახმარების პროგრამა ევროსაბჭომ უნდა დაამტკიცოს.
ყველაზე დიდი სესხი გათვალისწინებულია უკრაინისთვის- 1.2 მილიარდი ევრო, მეორე ადგილზეა ტუნისი- 600 მილიონი ევროთი.
ამასთან, ევროკავშირის აღმოსავლეთ პარტნიორობის პროგრამის ფარგლებში, საქართველო 150 მილიონ ევროს, ხოლო მოლდოვა 100 მილიონ ევროს მიიღებს, ისევე როგორც დასავლეთ ბალკანეთის ქვეყნები გარდა სერბეთისა.
კორონავირუსის გავრცელების გამო, ბრიუსელმა და ბელორუსმა ითხოვეს მაკროფინანსური დახმარება, მაგრამ ამაზე ჯერ გადაწყვეტილება არ არის.
მაკროფინანსური დახმარება არის სესხი, რომელიც ევროკავშირის მიერ მეზობელ ქვეყნებზე გამოიყოფა ხელსაყრელი პირობებით.
სესხის დაფარვის ვადა 15 წელია.
ევროკავშირში, ასეთი დახმარების საჭიროება აიხსნება იმით, რომ, პანდემიის გამო, საერთაშორისო ვაჭრობა შემცირდა. ამან მკვეთრი ტვირთი შექმნა მრავალი ქვეყნის საგადასახდელო ბალანსზე.
ვინაიდან მაკროფინანსური დახმარების გაწევა წარმოადგენს ანტიკრიზისულ ზომას, ეს პროგრამა იმუშავებს ერთი წლის განმავლობაში.
ევროკავშირის პირველი ტრანზი დაუყოებლივ განხორციელდება, მას შემდეგ რაც ევროკომისიასა და მიმღები ქვეყნების მთავრობებს შორის ურთიერთგაგების მემორანდუმი გაფორმდება.
”მეორე ტრანზი გამოიყოფა, როგორც კი მემორანდუმში გათვალისწინებული პირობები შესრულდება,” – ნათქვამია საკანონმდებლო წინადადებაში გადაუდებელი მაკროფინანსური დახმარების პროგრამის შესახებ.
აღნიშნული პირობები თითოეული ქვეყნისთვის განსხვავებულია.
დოკუმენტში ნათქვამია, რომ ისინი მიზნად ისახავს მაკროეკონომიკური სტაბილურობის გაძლიერებას, მაკროეკონომიკური მენეჯმენტის გაუმჯობესებას, საჯარო ადმინისტრირებასა და გამჭვირვალობას, აგრეთვე მშპ ზრდისთვის პირობების შექმნას.
”გარდა ამისა, პირობები უნდა ჩამოყალიბდეს ისე, რომ მათი განხორციელება მოხდეს მოკლე დროში და მიმდინარე პანდემიის ჭრილში,” – აღნიშნულია დოკუმენტში.
