UEFA-მ გამოძიება დაიწყო დანიელი მეკარეზე, კასპერ შმეიხელზე ლაზერული შეტევის გამო, რომლის გამო, შესაძლოა ,,ევრო 2020“ ნახევარ ფინალური მატჩის დანიასა და ინგლისს შორის შედეგი გაუქმდეს. ამის შესახებ ინფორმაციას BBC ავრცელებს.
როგორც გამოცემა წერს, ირკვევა, რომ პენალტის შესრულების დროს ინგლისის გულშემატკივრები კასპერ შმეიხელს თვალებში ლაზერს ანათებდნენ და მის პროვოცირებას ახდენდნენ.
BBC – ის ინფორმაციით, UEFA-მ ინგლისს ბრალი წაუყენა მას შემდეგ, რაც სატელევიზიო კადრებში ნათლად გამოჩნდა, რომ დანიის მეკარის, კასპერ შმეიხელის, სახეზე მწვანე შუქი დაფიქსირდა.
BBC-ის ინფორმაციით, ინგლისს, ასევე ბრალი ედება დანიის სახელმწიფოს ჰიმნის შესრულების დროს არეულობის გამოწვევასა და ფეიერვერკის მოწყობაში.
,,საქმეს დროულად განიხილავს უეფა-ს კონტროლის, ეთიკისა და სადისციპლინო ორგანო (CEDB)”, _ ნათქვამია ევროპული ფეხბურთის მმართველი ორგანოს განცხადებაში.
დანიის სახელმწიფო ჰიმნის დროს ისმოდა გარკვეული ხმაური, რომელიც გააკრიტიკა ბრიტანეთის პრემიერ მინისტრის, ბორის ჯონსონის ოფიციალურმა წარმომადგენელმა.
,,ჩვენ გვინდა, რომ გულშემატკივრებმა გამოიჩინონ მხარდაჭერა. უეფა ამას იკვლევს, ეს მათი საკითხია, მაგრამ ეს არ არის ისეთი რამ, რისი ნახვაც გვსურს”, _ განაცხადა ჯონსონის წარმომადგენელმა.
ცნობისთვის, დანიის მეკარემ შმეიხელმა, მატჩის დამატებით დროში, ჰარი კეინის დარტყმული პენალტი მოიგერია. ასხლეტილ ბურთს ისევ კეინი დაეუფლა და გოლიც გაიტანა.
საბოლოოდ, მატჩი ინგლისმა ანგარიშით 2-1 მოიგო და ევროპის ჩემპიონატის ფინალში გავიდა, სადაც იტალიის ნაკრებს დაუპირისპირდება.
ფინალი ინგლისის დედაქალაქ ლონდონში, “უემბლის” სტადიონზე გაიმართება.
ინგლისის საფეხბურთო ნაკრები, ევროპის ჩემპიონატის ისტორიის მანძილზე, პირველად გავიდა ფინალში.
ავტორი: მერაბ ცაავა
