სოციალური ქსელი FACEBOOK-ის ადმინისტრაცია ხელისუფლების მიერ კონტროლირებად მედიასაშუალებების მონიშვნას იწყებს. ამის შესახებ კომპანიის კიბერუსაფრთხოების ხელმძღვანელმა ნატალია გლიჩერმა განაცხადა.
,,ჩვენ რამდენიმე თვის წინ განვაცხადეთ, რომ იმ მედიასაშუალებების გვერდების მონიშვნას ვაპირებთ, რომლებიც სრულად ან ნაწილობრივ შესაბამისი ქვეყნებს ხელისუფლებების სარედაქციო კონტროლის ქვეშ იმყოფებიან. დღეიდან კი ჩვენ ამ პროცესს ვიწყებთ“ ,_ აცხადებენ კომპანიაში.
როგორც კომპანიის წარმომადგენელი აცხადებს, ისეთი მედიასაშუალებების გვერდები, როგორც არის რუსული RT და SPUTNIK-ი და ჩინური XINHUA NEWS-ი და PEOPLE’S DAILY-ი მოინიშნებიან, როგოც ხელისუფბლების მიერ კონტროლის ქვეშ მყოფი მედიასაშუალებები.
,,სახელმწიფო საგენტოები, როგორიც არის რუსული RT და SPUTNIK-ი და ჩინური XINHUA NEWS-ი და PEOPLE’S DAILY-ის გვერდების შეფასებისას დადგინდა, რომ ხელისუფლებების კონტრლის ქვეშ იმყოფებიან და ისინი მონიშნულები იქნებიან. ასეთი ამ ეტაპისთვის 18 მედიასაშუალების გვერდებია, ასობით მილიონი მიმდევრებით, რომლებიც მიიღებენ მონიშვნას“ ,_ აცხადებს გლიჩერი.
FACEBOOK-ი ასევე აცხადებს, რომ მედიასაშუალებას ექნება შესაძლებლობა, რომ აღნიშნული მონიშვნა გასაჩივროს.
,,იმ შემთხვევაში, თუ მედიასაშუალება არ დაეთანხმება ამგვარ მონიშვნას, მას ამის გასაჩივრების საშუალება ექნება სოციალური ქსელის ადამინისტრაციაში, თუმცა საამისოდ სარედაქციო პოლიტიკის დამოუკიდებლობის მტიკცებულებების წარდგენა გახდება საჭირო. ასეთ შემთხვევაში FACEBOOK-ი კონსულტაციებს დამოუკიდებელ ექსპერტებთან გაივლის“,_ განმარტავს კომპანიის წარმომადგენელი.
FACEBOOK-ის ადმინისტრაციის განმარტებით, მომხმარებლებმა უნდა იცოდნენ, სახელმწიფო პოლიტიკის ახალ ამბებზე შესაძლო გავლენის შესახებ.
