1-ელი ივნისიდან ძალაში შედის რეგულაცია, რომლის მიხედვითაც, თბილისიდან, ქუთაისიდან, ბათუმიდან, ზუგდიდიდან, თელავიდან, ასევე, 150 კილომეტრზე მეტი მანძილით დაშორებული პუნქტებიდან მგზავრების გადაყვანა მხოლოდ M3 კატეგორიის ტრანსპორტით – ავტობუსით იქნება შესაძლებელი.
როგორც „ბიზნესპრესნიუსს“ სახმელეთო ტრანსპორტის სააგენტოში განუცხადეს, M3 კატეგორიის ტრანსპორტის ავტოპარკის შესახებ ზუსტი ინფორმაცია არ აქვთ და აღნიშნული შეფასების პროცესის დასრულების შემდეგ გახდება ცნობილი.
კითხვაზე, მოსალოდნელია თუ არა რეგულაციების ამოქმედების გადავადება, სააგენტოში “ბიზნესპრესნიუსს” განუცხადეს, რომ რეფორმის ეფექტურად მართვისთვის ყველა შესაძლო ალტერნატივას განიხილავენ.
„რაც შეეხება კონკრეტულად M3 კატეგორიის ავტოსატრანსპორტო საშუალებებთან დაკავშირებული რეგულაციის ამოქმედების ვადებს, სააგენტო რეფორმის ეფექტურად მართვისთვის განიხილავს ყველა შესაძლო ვარიანტს და ალტერნატივას, რომელიც რა თქმა უნდა, თანხვედრაში იქნება როგორც გადამზიდველების და ავტოსადგურების, ისე მგზავრების ინტერესებთან“, – განაცხადეს „ბიზნესპრესნიუსს“ სახმელეთო ტრანსპორტის სააგენტოში.
ვრცლად: bpn
