ორგანიზაცია“ Post-ალიონმა“, პარტნიორ მედიაორგანიზაცია “გურია ნიუსთან“ ერთად, გურიის მაჟორიტარულ ოლქში რეგისტრირებულ 14 კანდიდატს, 21 და 23 ოქტომბერს, შესაძლებლობა მისცა პირისპირ და ონლაინ შეხვედროდნენ გურიის ახალგაზრდებს, წარედგინათ საკუთარი თავი, ხედვები და ეპასუხათ მათ შეკითხვებზე. კანდიდატებს შეეძლოთ შეერჩიათ სასურველი დრო და ორი საათი დაეთმოთ ახალგაზრდებისთვის.
ყველა კანდიდატის მოპატიჟების მიუხედავად, აღმოჩნდა რომ ზოგი კანდიდატისთვის ონლაინ ჩართვა გადაულახავი ბარიერი იყო და სურვილის მიუხედავად, შესაბამისი უნარ-ჩვევები არ აღმოაჩნდათ; ნაწილს, არ აინტერესებს ახალგაზრდული პრობლემები, ახალგაზრდა ამომრჩევლის მოსაზრებები. ნაწილმა ანალოგიურ შეხვედრაში მონაწილეობა 23 ოქტომბრისთვის დაგეგმა. შესაბამისად, 21 ოქტომბერს შეხვედრაში მონაწილეობდნენ:
ხათუნა გოგორიშვილი, საარჩევნო ნომრით 2 (“ბაქრაძე, უგულავა, ბოკერია – მოძრაობა თავისუფლებისთვის“);
ნინო შეწირული-გობრონიძე, საარჩევნო ნომრით 19 (მოქალაქეთა პოლიტიკური გაერთიანება “ჩვენი საქართველო-სოლიდარობის ალიანსი“);
რამაზ ზოიძე, საარჩევნო ნომრით 55 (ქართული მარში- ეროვნული მოძრაობა“).
შეხვედრა შედგა პროექტის “ვირჩევ დომოკრატიას!“ ფარგლებში, რომელსაც ააიპ “Post-ალიონი“ ახორციელებს საარჩევნო სისტემების განვითარების, რეფორმებისა და სწავლების ცენტრის მხარდაჭერით.
