ლანჩხუთის ცენტრში რეგულირების სააგენტოს უფროსი გია თვალავაძის მხარდასაჭერად, რომელიც სახელმწიფო უსაფრთხოების სამსახურმა 24 სექტემბერს საკუთარი კაბინეტიდან სააფთიაქო ნარკომანიის მფარველობის ბრალდებით აიყვანა, ხალხმრავალი აქცია მიმდინარეობს სლოგანით -თავდებში ვუდგებით ბატონ გიას და გამოძიების დასრულებამდე,ჯანმრთელობის მდგომარეობიდან გამომდინარე, სასამართლომ გააუქმოს გადაწყვეტილება წინასწარი ორთვიანი პატიმრობის შესახებ! აქცია საკრებულოს ყოფილი წევრის დარეჯან ბურჭულაძის ორგანიზებით გაიმართა და ერთობლივ პეტიციაზე ხელისმოსაწერად ქალაქის ცენტრაულ პარკში რიგით ლანჩხუთელებთან ერთად სასულიერო პირები, მმართველი გუნდისა და ოპოზიციური პარტიის წარმოამდგენლებიც იმყოფებოდნენ.
გია თვალავაძის მხარდამჭერი ერთობლივი პეტიცია მუნიციპალიტეტის მერიამ და საკრებულომაც შეიმუშავა და ისინი გამოძიების დასრულებამდე თავდებში უდგებიან რეგულირების სააგენტოს უფროსს.
ირკვევა, რომ გია თვალავაძეს ტავდებში პარლამენტის მაჟორიტარი დეპუტატი ნინო წილოსანიც უდგება. გავრცელებული ინფორმაციით, გია თვალავაძეს ასევე მხარდაჭერას ომის ვეტარენაბიც უცხადებენ.
„სააფთიაქო ნარკომანიის“ საქმეზე დაკავებულებს სასამართლომ მოსამართლე ეკატერინე კულულაშვილის გადაწყვეტილებით აღკვეთის ღონისძიებად პატიმრობა 26 სექტემბერს შეუფარდა.
საქმის პროკურორის გიორგი ლილუაშვილის განცხადებით, ექვსივე ბრალდებულის მიმართ აღკვეთის ღონისძიების სახით სასამართლომ პატიმრობა იმ საფრთხეების გათვალისწინებით გამოიყენა, რაც არსებობდა.
„კერძოდ, არსებობდა მტკიცებულებების მოპოვებაში ხელის შეშლის, ასევე მოწმეებზე ზემოქმედების საფრთხე. მოცემულ შემთხვევაში, ყველა ბრალდებულის მიმართ წარმოდგენილია მათი ბრალეულობის დამადასტურებელი მტკიცებულებები, ფარული ვიდეო-აუდიო ჩანაწერები, ასევე, მოწმეთა ჩვენებები და სხვა მტკიცებულებები“, – აღნიშნა პროკურორმა საამართლო პროცესზე.
სუს-ის ინფორმაციით, გამოძიებამ დაადგინა, რომ თბილისსა და გორში მდებარე 15 სააფთიაქო დაწესებულებაში უკონტროლოდ ხორციელდებოდა ფსიქოტროპული საშუალებების რეალიზაცია.
„აღნიშნული აფთიაქების დირექტორები და ფაქტობრივი მფლობელები მატერიალური სარგებლის მიღების მიზნით, უკანონოდ ახორციელებდნენ სამეწარმეო საქმიანობას. კერძოდ, უნებართვოდ და სანებართვო პირობების უხეში დარღვევით, შესაბამისი რეცეპტის გარეშე ახდენდნენ ფსიქოტროპული და სპეციალურ კონტროლს დაქვემდებარებული მედიკამენტების რეალიზაციას, რითაც დიდი ოდენობით შემოსავალს იღებდნენ. თავის მხრივ, სამედიცინო საქმიანობის სახელმწიფო რეგულირების სააგენტოს ხელმძღვანელი გია თვალავაძე ბოროტად იყენებდა თავის სამსახურებრივ უფლებამოსილებას, არ ახდენდა შესაბამის რეაგირებას „ცხელ ხაზზე“ შესულ შეტყობინებებზე, რომელიც შეეხებოდა აღნიშნული აფთიაქების მიერ სხვადასხვა დასახელების ფსიქოტროპული და სპეციალურ კონტროლს დაქვემდებარებული მედიკამენტების რეცეპტის გარეშე რეალიზაციას, რამაც სახელმწიფოს კანონიერი ინტერესის არსებითი დარღვევა გამოიწვია“, – აღნიშნულია სუს-ის ინფორმაციაში.
„გია თვალავაძე ბუნებით წესიერი კაცია. რაც შეეხება გამოძიებას, არ მაქვს უფლება, განვიხილო, რა და როგორ იქნება გამოძიებული, თუმცა ცალსახაა, რომ საბოლოო გადაწყვეტილება უნდა მიიღოს სასამართლომ. მჯერა, ეს გადაწყვეტილება იქნება ობიექტური და სამართლიანი.
გაჟღერდა თითქოს, ეს ადამიანი თავის კაბინეტში ინახავდა ოთხი მილიონის ფსიქოტროპულ მედიკამენტებს, სინამდვილეში ეს ასე არ ყოფილა. მედიკამენტები აფთიაქიდან იქნა ამოღებული, ხოლო სამინისტროში ინახება თითოეულ რეგისტრირებულ სერიაზე სანიმუშო ეგზემპლარები, რომლებიც არის ერთ სერიაზე ერთი კოლოფი. რაც შეეხება ოთხი მილიონის ფსიქოტროპულების ამოღებას, სამინისტროში ასეთი რამე არ მომხდარა.
მინისტრი აგებს პასუხს ყველაფერზე, რაც ხდება სამინისტროში, იქნება ეს კარგი, თუ ცუდი. მინდა, ყველას ვთხოვო, ნაჩქარევ გადაწყვეტილებებს ნუ მიიღებენ. ეს ადამიანი ჯერ ბრალდებულია, ბრალდება არ დამტკიცებულა, ხოლო მას შემდეგ, რაც ყველაფერი გაირკვევა, შესაბამისი გადაწყვეტილებებიც იქნება მიღებული.
დანაშაულზე ფიქრი არ შეიძლება, მას სჭირდება მხოლოდ და მხოლოდ ობიექტური გამოძიება. გია თვალავაძე ბუნებით პატიოსანი ადამიანია და მჯერა, სასამართლო იქნება ობიექტური“, “, – ასეთია მინისტრ დავით სერგეენკოს პოზიცია თვალავაძის საქმესთან დაკავშირებით.
გია თვალავაძეს მხარდაჭერა და თანადგომას სოციალურ ქსელში თიტქმის სრულიად ლანჩხუთმა გამოუცხადა მიუხედავად პოლიტიკური შეხედულებისა და სოციალური სტატუსისა.
„ეს რომ არ დავწერო არ შემიძლია,შორს ვარ მაგრამ სულით საქართველოში,ათიათასობით ადამიანთა შორის ერთერთი პირველი როცა გათიშული ჩავედი იაშვილის კლინიკაში გია თვალავძე იყო ვინც მორალურად და ადამიანურად გვერდით დაგვიდგა,არ მჯერა რომ ის ასეთ რამეს ჩაიდენდა“-წერს სოციალურ ქსელში ქრისტნე მოისწრაფიშვილი, რომელიც საფრანგეთში პატარა იოანეს გამოსაჯამრთელებლად იმყოფება.
თვალავაძის დაჭერის ფაქტს პედაგოგებიც გამოეხმაურნენ და მისადმი სოლიდარობის ნიშნად მესამე საჯარო სკოლამ საკუთარ ფეისბუქგვერდზე განცხადება გაავრცელა. :-„მოულოდნელობის, საოცარი გაოცების განცდით, დიდი გულისტკივილით ვუერთდებით ჩვენი ქალაქის თითოეული მოქალაქის დამოკიდებულებას და აზრს, გამოვხატავთ უდიდეს პატივისცემას ბატონ გია თვალავაძისადმი.
როგორც არასდროს, ლანჩხუთის მრავალფეროვანი და საკმაოდ რთული სპექტრი ადამიანებისა ამ საკითხში აბსოლიტურად ერთიანია. წარმოუდგენლად ძნელია ჩვენი სკოლის ყოფილი კურსდამთავრებულის, ოქროსმედალოსანის, ლანჩხუთის საპატიო მოქალაქის, ყველა ადამიანის მოჭირნახულის და სატკივარის გამზიარებლის და უბრალოდ, ძალიან კარგი ადამიანის ამ მდგომარეობაში ხილვა.
ჩვენი სკოლის პედაგოგები, მშობლები უერთდება ყველა იმ აქციას, რომელიც დაიგეგმა ან დაიგეგმება ბატონი გიას მხარდასაჭერად. ჩვენ არ ვართ პოლიტიკოსები, მაგრამ ვართ პედაგოგები, რომელთაც მომავალი თაობის აღზდა გვაკისრია და გვერწმუნეთ, ადამიანის შეცნობა კარგად შეგვიძლია.
ვიტოვებთ იმედს, რომ ჩვენი ხმა , ისევე როგორც თითოეული ლანჩხუთელისა და არამარტო, არ დარჩება ,, ხმა მღაღადებლისა უდაბნისა შინა“.
