ლადო აფხაზავა, ლანჩხუთი:
_ რუსეთიდან არაფერია გასაკვირი _ მას ჰყავს ხელისუფლება, რომელთანაც არანაირი კომუნიკაცია არ ჭრის და უნდა შევეშვათ მათთან ყველანაირ ურთიერთობას. თუმცა, ჩვენს ხელისუფლებას ეს არ ესმის და თავად სურს იწვნიოს კრახი. აფხაზეთში კი არა, თბილისში რომ ჩამოვიდეს პუტინი და თბილად მიიღონ, ის არ გამიკვირდება. ამის ნათელი დასტური მინისტრ სერგეენკოს განცხადებაა, რომ მცოცავ ოკუპაციას ადგილი არ აქვს და ეს, თურმე, უბრალოდ ხდება. მოკლედ რომ გითხრათ, რუსეთი მოქმედებს. საქართველო კი დუმს და ეპირფერება, თუმცა, ჩვენს ქვეყანას რუსეთთან არაფერი აქვს ” საპირფერო”.
თათია წილოსანი, ლანჩხუთი:
_ ზუსტად 8 აგვისტოს ოკუპანტის ვიზიტი ოკუპირებულ ტერიტორიაზე კიდევ ერთი გამოწვევაა ქართველი ხალხისთვის. ჩემთვის და დარწმუნებული ვარ, არამარტო ჩემთვის, მეტად გამაღიზიანებელია ეს ფაქტი. მიუხედავად ამისა, ჩვენ გვმართებს თავშეკავება და მეტი დიპლომატიის გამოჩენა. თუმცა, ვფიქრობ, რომ საქართველოს მთავრობამ აუცილებლად უნდა მოახდინოს ამ ფაქტზე რეაგირება.
მიტო კალანდაძე, ჩოხატაური:
_ არ მგონია, საქართველოს დაუბრუნდეს აფხაზეთი.
ამირან დევაძე, ოზურგეთი:
_ მე ომის ვეტერანი, ნაომარი კაცი ვარ და ვიცი, რას ნიშნავს ეს ყველაფერი. აფხაზეთი ჩვენი ტკივილია და პუტინი ოკუპანტია.
ტარიელ ხაბეიშვილი, ჩოხატაური:
_ ძალიან წინააღმდეგი ვარ.
ტარიელ კუტუბიძე, ჩოხატაური:
_ არ ვიცი, რატომ უნდა ჩავიდეს?!
შალვა ჭუმბურიძე, ოზურგეთი:
_ მტერია და აფხაზეთში არ უნდა ჩამოდიოდეს.
თემურ ბაქანიძე, ოზურგეთი:
_ გული მტკივა, ამას რომ ვამბობ, მაგრამ ჩემს სამშობლოში მტერი და დამპყრობელი ჩამოდის, როგორც მეფე. ეს ძალიან სამწუხაროა.
თედორე ღლონტი, ოზურგეთი:
_ ძალიან ცუდი ფაქტია.
გიორგი გოგუა, ოზურგეთი:
_ კარგად ვაფასებ, უნდა მოილაპარაკონ რაღაც.
სოფო ნამგალაძე, ოზურგეთი:
_ ბებიაჩემმა იცოდა ასეთი წყევლა: “შენ წაი სკვარამში და შეგჭამოს მგელმა!” ესაა ჩემი სათქმელი პუტინის მიმართ.
მიხეილ ინწკირველი, ოზურგეთი:
_ რა უნდა პუტინს აფხაზეთში?! მისი საკუთრებაა?! ეს ჩვენი ქვეყანაა!
ნანა ბებურიშვილი, ოზურგეთი:
_ ოკუპანტია და იმიტომ ჩამოდის. ცუდი ფაქტია ეს.
ირა ნაჭყებია, ოზურგეთი:
_ მინდა მშვიდობა იყოს. თუ ერთმანეთს დაელაპარაკებიან, კარგი იქნება ეს ჩამოსვლა.
ირმა მგელაძე, ლანჩხუთი:
_ ეს არის რუსეთის იმპერიის ძლიერების უტუხი დემონსტრირება და განსაკუთრებით ამერიკის დასანახავად, სანქციების საპასუხოდ, რომ ყოველგვარი სანქციების მიუხედავად, რუსეთი თავის თამაშს თამაშობს. პუტინი რომ რაიმე დათმობაზე წავიდეს, ბუშტივით დაიშლება მითები მის სიძლიერეზე და ჩემი აზრით, ამიტომ ყველაფერზე წამსვლელია.
სერგო ქვილორია, ოზურგეთი:
_ თუ სამტროდ მოდის, რად გვინდა? თუ რაიმე სასიკეთო ძვრა იქნება, კარგია.
გოგი ბაქანიძე, ოზურგეთი:
_ მაგასთან მოლაპარაკება არ შეიძლება _ რაც უნდა იყოს, მაინც მოგვატყუებს. კი მინდა, კეთილმეზობლობა, მაგრამ რუსს სხვა ბუნება აქვს. ჩვენებიც, ამერიკის ხათრით თუ შიშით, ვერ ბედავენ დალაპარაკებას.
ბაბუცა ჩხაიძე, ოზურგეთი:
_ მშვიდობა იყოს, კარგი საქმისთვის ჩამოვიდეს, მოილაპარაკონ.
რევაზ ეფრიკიანი, ოზურგეთი:
_ არ უნდა ჩამოდიოდეს!
საბა ცეცხლაძე, ოზურგეთი:
_ რა უნდა? პიარი სურს, ალბათ.
