გასულ კვირას, ჩოხატაურის მუნიციპალიტეტის საკრებულოს სხდომაზე, 2017 წლის ბიუჯეტის შესრულების პირველი კვარტლის ანგარიში საფინანსო სამსახურის უფროსმა მაია გოგოლაძემ წარმოადგინა.
ანგარიშის თანახმად, 2017 წლის დასაწყისისთვის ბიუჯეტის ანგარიშებზე არსებული ნაშთი შეადგენდა 853.1 ათას ლარს.
2017 წლის 1 აპრილისთვის კი, ბიუჯეტის ანგარიშებზე არსებულმა ნაშთმა მთლიანობაში შეადგინა 125,5 ათასი ლარი.(მათ შორის, საბიუჯეტო სახსრებით 13,1 ათასი ლარი, ხოლო სხვა დონის ერთეულის ფონდიდან გამოყოფილი ტრანსფერი 112,4 ათასი ლარი).
ჩოხატაურის მუნიციპალიტეტის 2017 წლის სამი თვის ბიუჯეტის შემოსულობების (შემოსავლები, არაფინანსური აქტივები, ფინანსური აქტივები) საპროგნოზო მაჩვენებელი განისაზღვრა 1 640,3 ათასი ლარით _ ფაქტობრივმა შესრულებამ შეადგინა 1 508,5 ათასი ლარი, ანუ საპროგნოზო მაჩვენებლის 91,9%.
ჩოხატაურის მუნიციპალიტეტის 2017 წლის სამი თვის გეგმით ბიუჯეტის შემოსავლების (გადასახადები, გრანტები, სხვა შემოსავლები) გეგმა _ 1 615,3 ათასი ლარი, ფაქტობრივად, 1 497,6 ათასი ლარით შესრულდა, რამაც გეგმის 92,7% შეადგინა.
მაია გოგოლაძის თქმით, გადასახადების სახით ბიუჯეტში მთლიანობაში მობილიზებულია 30,6 ათასი ლარი, რაც გეგმის _ 200 ათასი ლარის 15%-ია.
ანგარიშიდან ირკვევა, რომ პირველ კვარტალში გრანტების სახით ბიუჯეტში ჩარიცხულია 1 187,7 ათასი ლარი.
“სხვა შემოსავლებიდან” ბიუჯეტში შემოსულია 279,3 ათასი ლარი, რაც გეგმის _ 667,4 ათასი ლარის 41,8%-ს შეადგენს, მათ შორის: საკუთრებიდან შემოსავლებიდან სულ შემოსულია 259,9 ათასი ლარი.
“პროცენტების სახით, საანგარიშო პერიოდში მიღებულია 10 ლარი, რენტის სახით შემოსულია 259,9 ათასი ლარი, მათ შორის: ბუნებრივი რესურსებით სარგებლობისთვის მოსაკრებლიდან _ 257,6 ათასი ლარი, შემოსავალი მიწის იჯარიდან და მართვაში (უზურფრუქტი, ქირავნობა და სხვა) გადაცემიდან _ 2,3 ათასი ლარი; საქონლისა და მომსახურების რეალიზაციიდან შემოსულია 3,2 ათასი ლარი. მათ შორის: ადმინისტრაციული მოსაკრებლებიდან და გადასახდელებიდან მიღებულია 2,8 ათასი ლარი, არასაბაზრო წესით გაყიდული საქონელი და მომსახურებიდან _ 0,4 ათასი ლარი”, _ აღნიშნა მაია გოგოლაძემ.
მისივე თქმით, ჯარიმებიდან და საურავებიდან მიღებულმა შემოსავლებმა მთლიანობაში 12,6 ათასი ლარი შეადგინა, რაც გეგმის _ 10,0 ათასი ლარი, 126%-ს შეადგენს.
“შერეული და სხვა არაკლასიფიცირებული შემოსავლებიდან საანგარიშო პერიოდში მიღებულია 3,6 ათასი ლარი, გეგმის _ 10,0 ათასი ლარის 36%, ეს არის შემოსავალი ხელშეკრულების პირობების დარღვევის გამო დაკისრებული პორგასამტეხლოდან;
არაფინანსური აქტივებიდან, მიმდინარე პერიოდში მიღებულია 10,9 ათასი ლარის შემოსავალი, გეგმის 25,0 ათასი ლარის _ 44% ანუ 6,6 ათასი ლარი მიღებულია არაწარმოებული აქტივის (მიწის) გაყიდვიდან, ხოლო 4,3 ათასი ლარი მიღებულია მიწაზე უფლების აღიარებიდან”, _ თქვა სხდომაზე მაია გოგოლაძემ.
მისივე განმარტებით, ბიუჯეტის გადასახდელების დამტკიცებულმა გეგმამ შეადგინა 2 509,3 ათასი ლარი, გაწეულმა საკასო ხარჯმა შეადგინა 2 236,1 ათასი ლარი, რაც გეგმიური მაჩვენებლის 89.1%-ია.
საფინანსო სამსახურის უფროსის ინფორმაციით, “შრომის ანაზღაურების” მუხლით საანგარიშო პერიოდში გეგმა განისაზღვრა 396,5 ათასი ლარის ოდენობით, ხოლო საკასო შესრულებამ შეადგინა 387,4 ათასი ლარი _ გეგმის 97,7%.
პირველ კვარტალში საკრებულოს შრომის ანაზღაურებამ 93,8 ათასი ლარი შეადგინა, გამგეობის _ 272,6 ათასი ლარი, სამხედრო სამსახურის _ 21,0 ათასი ლარი; შტატგარეშე მომუშავეთა ანაზღაურებაზე 32,3 ათასი ლარი დაიხარჯა; მივლინებებზე _ 1,9 ათასი ლარი; მათ შორის, საკრებულოს მივლინებებზე _ 0,7 ათასი ლარი; გამგეობის _ 1,0 ათასი ლარი, თავდაცვის _ 0,2 ათასი ლარი.
ოფისის ხარჯებისთვის 27,5 ათასი ლარია დახარჯული; მათ შორის, საკრებულოს ოფისის ხარჯები _ 4,5 ათასი ლარი, გამგეობის _ 20,0 ათასი ლარი, თავდაცვის _ 3,0 ათასი ლარი.
მაია გოგოლაძის თქმით, “სუბსიდიების” მუხლით საანგარიშო პერიოდში გეგმა განისაზღვრა 861.9 ათასი ლარით. ხოლო საკასო შესრულებამ შეადგინა 788.9 ათასი ლარი, რაც გეგმის 91,5 %-ს შეადგენს:
“სუბსიდიების” მუხლიდან, ძირითადად, დაფინანსებულ იქნა ისეთი მნიშვნელოვანი პროგრამები, როგორიცაა: კომუნალური ინფრასტრუქტურის ექსპლუატაცია _ 143,2 ათასი ლარი; სკოლამდელი აღზრდის დაწესებულებების ხელშეწყობა _ 241.9 ათასი ლარი; მოსწავლე-ახალგაზრდობის სახლის დაფინანსება _ 24,5 ათასი ლარი; სპორტის განვითარების ხელშეწყობა _ 121.0 ათასი ლარი; კულტურის ორგანიზაციების ხელშეწყობა _ 219.5 ათასი ლარი; საზოგადოებრივი ჯანმრთელობის დაცვა _ 23.1 ათასი ლარი; სამედიცინო მომსახურების თანადაფინანსება _ 15,7 ათასი ლარი”, _ აღნიშნა მაია გოგოლაძემ.
მისივე ინფორმაციით, სოციალური უზრუნველყოფის” მუხლით საანგარიშო პერიოდში გეგმა განისაზღვრა 108,3 ათასი ლარით, ხოლო საკასო შესრულებამ შეადგინა 61,5 ათასი ლარი, რაც გეგმის 56,8 %-ს შეადგენს.
_ საერთო დანიშნულების სახელმწიფო მომსახურების სფეროში საკასო შესრულებამ შეადგინა 492,4 ათასი ლარი, რაც გეგმიური მაჩვენებლის (524,5 ათასი ლარი) 93,8% შეადგენს; თავდაცვის სფეროში გეგმა განსაზღვრული იყო 30,4 ათასი ლარით, ხოლო საკასო შესრულებამ შეადგინა 30,3 ათასი ლარი, ანუ გეგმიური მაჩვენებლის 99,7%; ეკონომიკური საქმიანობის სფეროს დასაფინანსებლად დაგეგმილი იქნა 933,5 ათასი ლარი, ხოლო საკასო შესრულებამ შეადგინა 811,3 ათასი ლარი, ანუ გეგმიური მაჩვენებლის 86,9 %; ჯანმრთელობის დაცვის სფეროს დასაფინანსებლად გეგმა განისაზღვრა; 23,7 ათასი ლარით, საკასო შესრულებამ შეადგინა 23,1 ათასი ლარი, ანუ გეგმიური მაჩვენებლის 97,5%; დასვენების, კულტურის და რელიგიის სფეროს დასაფინანსებლად განსაზღვრული იყო 391,2 ათასი ლარი, საკასო შესრულებამ შეადგინა 352,4 ათასი ლარი, ანუ გეგმიური მაჩვენებლის 92%; განათლების სფეროს დასაფინანსებლად გეგმამ შეადგინა 309,1 ათასი ლარი, საკასო შესრულებამ კი _ 278,4 ათასი ლარი, ანუ გეგმიური მაჩვენებლის 90%, მათ შორის: სოციალური დაცვის სფეროს დასაფინანსებლად გეგმა განსაზღვრული იყო 152,6 ათასი ლარი, საკასო შესრულებამ შეადგინა 105,0 ათასი ლარი, ანუ გეგმიური მაჩვენებლის 68,8%; საბინაო-კომუნალური მეურნეობის დასაფინანსებლად გეგმით გათვალისწინებული იყო 144,3 ათასი ლარი, საკასო ხარჯმა შეადგინა 143,2 ათასი ლარი, გეგმის 99,2%, _ განუცხადა დეპუტატებს საფინანსო სამსახურის უფროსმა.
მაია გოგოლაძემ გასული წლის ვალდებულებების დაფარვაზეც ისაუბრა. მისი თქმით, 2017 წლის სამ თვეში გადაირიცხა ბიუჯეტის ვალდებულების კლების მუხლით გათვალისწინებული 82,0 ათასი ლარი.
მისივე ინფორმაციით, გამგებლის სარეზევრო ფონდიდან 15, 3 ათასი ლარი წინა წელს გაცემული დავალიანებების დაფარვას მოხმარდა, რაც ოპოზიციონერი დეპუტატების თქმით, არასწორია:
_ სარეზევრო ფონდი არსებობს გაუთვალისწინებელი ხარჯებისთვის. როდესაც 2017 წლის ბიუჯეტის დაიგეგმა, ვიცოდით, რომ ვალი გვქონდა. თუმცა, ახლა ირკვევა, რომ გამგებელმა გაუთვალისწინებელი ხარჯებისთვის გამოყოფილი თანხიდან გათვალისწინებული თანხა დახარჯა, _ აღნიშნა “ნაციონალური მოძრაობის” წევრმა მამუკა ბარამიძემ.
საკრებულოს თავმჯდომარის ზაალ მამალაძის შეფასებით, გამგეობის მიერ გაწეული ეს ხარჯვა “გამართული არ არის კარგად, მაგრამ ასე მოხდა, ეს ყველამ კარგად იცის და რაც მთავარია, ამით კანონი არ დარღვეულა”.
მამუკა ბარამიძეს ფრაქცია “პატრიოტთა ალიანსის” თავმჯდომარე ირაკლი ახობაძეც დაეთანხმა და აღნიშნა, შარშან აღებული ვალების გამო, წლევანდელ ბიუჯეტს სერიოზული პრობლემები აქვს, რაც უკვე გამოიხატა სოციალური პროგრამების შემცირებაში, ააიპ-ების თანამშრომელთა ხელფასების დაკლებაში და დარჩენილ დროში კიდევ ბევრი პრობლემა შეიქმნება.
ახობაძემ კრიტიკასთან ერთად, ჩოხატაურის მუნიციპალიტეტის გამგეობის საფინანსო სამსახურს კარგი მუშაობისთვის მადლობაც გადაუხადა:
_ ამ სამსახურს და ქალბატონ მაიას ნამდვილად ეკუთვნის მადლობა _ არ არის ადვილი ამდენი ვალის გადახდა, ამხელა თანხის მობილიზება, _ აღნიშნა ახობაძემ.
