აშშ-ის სახელმწიფო მდივანი მაიკ პომპეო 17-18 ნოემბერს თბილისში ტურნეს ფარგლებში ჩამოდის. მაიკ პომპეოს ტურნე საფრანგეთიდან დაიწყო და საქართველში ჩამოსვლამდე ის თურქეთში ჩავა, სახელმწიფო მდივანი საქართველოს შემდეგ ისრაელს, ყატარს, გაერთიანებულ ემირატებსა და საუდის არაბეთს ეწვევა.
როგორც პომპეომ განაცხადა, ყველა ქვეყანასთან განსხვავებულ საკითხებზე იქნება მსჯელობა, თითოეულ ქვეყანაში ბევრი იქნება განსახილველი.
პომპეო საქართველოში ოფიციალური პირების გარდა არასამათვარობო ორგანიზაციების წამომადგენლებსაც შეხვდება.
პაიკ პომპეოს ვიზიტთან და აშშ-ს ახალი პრეზიდენტის ჯო ბაიდენის ადმინისტრაციასთან ურთიერთობების გაღრმავებასთან დაკავშირებით ,,გურია ნიუსი“ საქართველოს სტრატეგიისა და საერთაშორისო ურთიერთობების კვლევის ფონდის ექსპერტს გიორგი ბადრიძეს ესაუბრა.
ბადრიძის თქმით, კარგია, რომ საქართველო გახდა ამ ტურნეს ნაწილი, მაგრამ არ უნდა გადავაჭარბოთ მისი მნიშვნელობის შეფასებაში.
პომპეოს ვიზიტი უკავშირდება თუ არა ყარაბაღში განვითარებულ მოვლენებს ან საქართველოში განვითრებულ პროცესებს?
პირველ რიგში, პომპეოს ვიზიტი იყო ადრე დაგეგმილი, რომელიც თავის დროზე გადაიდო. ასე, რომ ვერ იქნება პირდაპირი რეაქცია, ვერც არჩევნებზე და ვერც ყარაბაღის მოვლენებზე, თანაც ეს ვიზიტი არის ამერიკისთვის კიდევ უფრო მნიშვნელოვან რამდენიმე ქვეყანაში და კარგია, რომ საქართველო გახდა ამ ტურნეს ნაწილი, მაგრამ არ უნდა გადავაჭარბოთ მისი მნიშვნელობის შეფასებაში.
ვნახე გიორგი გახარიას კომენტარი, სადაც ამბობს, რომ ეს არის გამოხატულება ამერიკა-საქართველოს სტრატეგიული პარტნიორობის უპრეცედენტო სიმაღლეზე ასვლის. ნუ არ ვიცი, ბატონი გახარია საქმის კურსში უნდა იყოს, რომ საქართველოში სახელმწიფო მდივნები არაერთხელ ჩამოსულან და არა მარტო მათი ვადის სულ ბოლო დღეებში, როგორც ახლა არის. პრეზიდენტიც ჩამოსულა და პირადად მე გახლდით იმ ვიზიტზე ერთ-ერთი პასუხისმგებელი, ამერიკის დეპარტამენტის ხელმძღვანელი გახლდით საქართველოს საგარეო საქმეთა სამინისტროში, როდესაც პრეზიდენტი ბუში ჩამოვიდა.
ყოველთვის მნიშვნელოვანია ამერიკის მაღალი რანგის წარმომადგენლების ვიზიტები. უნდა გვესმოდეს კონტექსტი, რომ ეს ხდება წარმავალი ადმინისტრაციის პირობებში და ამის შეფასება, როგორც რაღაცა მწვერვალი ქართულ-ამერიკული ურთიერთობების, არ ასახავს რეალობას.
ყველას მოვუწოდებ ძალიან პასუხისმგებლობთ მოეკიდონ ბატონ პომპეოს ვიზიტს და მის გზავნილებს, განსაკუთრებით არჩევნებთან დაკავშირებით და ქართულ-ამერიკული ურთიერთობების პროგრესი პირველ რიგში დამოკიდებული იქნება საქართველოში დემოკრატიული პროცესების განვითარებაზე, რაზეც დღესდღეობით დასაკვეხნი არფერი აქვს ჩვენს ხელისუფლებას.
ამერიკის პრეზიდენტის ახალი ადმინისტრაციის პირობებში საქართველოსთან მიმართებით რამე ცვლილებები თუა მოსალოდნელი?
არამარტო საქართველოს მიმართ, არამედ ტრადიციული მოკავშირეების მიმართ ტრამპის ადმინისტრაციაც ძალიან თავისებური მიდგომა ჰქონდა. ბევრი ამას ახასიათებს და ვეთანხმები, როგორც იზოლაციურის გამოხატულებას. ბაიდენი კი ბევრად უფროს აქტიური საგარეო პოლიტიკის გატარებას აანონსებს, როგორც უკვე თვითონ და მისი წარმომადგენლები ამბობენ, საქართველოს ბრწყინვალედ იცნობს, უბრალოდ აქ არის ძალიან აქტუალური, როდესაც მის ადმინისტრაციაში დადგება საქართველოსთან ურთიერთობის ნებისმიერი საკითხი, რა დახვდება ბაიდენს და მის უახლოეს წრეს, იმ დოსიეში როდესაც წარუდგენს სახელმწიფო დეპარტამენტი და სხვა წყაროები საქართველოში ვითარების აღწერის თვალსაზრისით. უკანონოდ გაყალბებული არჩევნები, თუ როგორც იქნა ბოლოსდაბოლოს თავისუფალი და სამართლიანი არჩევნების შედეგად არჩეული დემოკრატიული ხელისუფლება.ეს დიდ წილად განსაზღვრავს ბაიდენის ადმინისტრაციის მიდგომას საქართველოს მიმართ.
ახალ ადმინისტრაციასთან თანამშრომლობის გაღრმავების შანსი?
ზუსტად შემიძლია გითხრათ, რომ ბაიდენის გუნდი დემოკრატიულ სტანდარტებს ბევრად უფრო დიდი მნიშვნელობას ანიჭებს, ვიდრე ტრამპის ადმინისტრაცია. ასე, რომ ჩვენთან დემოკრატიული პროცესები ბევრად უფრო დიდ როლს ითამაშებს ბაიდენის ადმინისტრაციის დამოკიდებულებაში ჩვენს ქვეყანასთან მიმართებით. ყველა შანსი გვაქვს, რომ გაღრმავდეს ამერიკასთან თანამშრომლობა და გაიზარდოს იქიდან ჩვენს მიმართ მხარდაჭერა, ოღონდ ამის წინა პირობაა დემოკრატიული პროცესების განვითარება საქართველოში.
