ნებისმიერ პოლიტიკურ პარტიასთან თანამშრომლობისთვის სრულ მზაობას გამოვხატავ, რაც პროცესების გამჭვირვალობის მაღალ ხარისხს უზრუნველყოფს, _ ამის შესახებ ტელეკომპანია „იმედის“ გადაცემაში „იმედის ფაქტორი“ ცესკოს ახალმა თავმჯდომარემ, გიორგი კალანდარიშვილმა განაცხადა.
„მიუხედავად იმისა, რომ არ იყო შესაბამისი მხარდაჭერა, მე, პირადად ვაცხადებ აბსოლუტურ მზაობას, რომ ნებისმიერ დროს ვიქნები ხელმისაწვდომი და ნებისმიერ პოლიტიკურ პარტიასთან თანამშრომლობისთვის სრულ მზაობას ვაცხადებ. მზად ვარ, ნებისმიერ ფორმატში ამ ურთიერთობისთვის. კიდევ ერთი დასტური იმისა, რომ პოლიტიკურ გაერთიანებებთან მჭიდრო თანამშრომლობა გვექნება, არის ის, რომ უკვე კომისიებში მაღალი პოლიტიკური წარმომადგენლობაა. თუმცა, ამის მიუხედავად, არის არასაპარლამენტო პარტიების სპექტრი, რომელთანაც თანამშრომლობის სრულ მზაობას გამოვხატავ, რაც პროცესების გამჭვირვალობის მაღალ ხარისხს უზრუნველყოფს“, – განაცხადა გიორგი კალანდარიშვილმა.
