„ქართული ოცნების“ მთავრობის წევრებმა: შინაგან საქმეთა მინისტრმა ვახტანგ გომელაურმა, თავდაცვის მინისტრმა ირაკლი ჩიქოვანმა და მთავრობის ადმინისტრაციის უფროსმა ლევან ჟორჟოლიანმა სტიქიის ერთ-ერთი ზონაში – გურიის რეგიონის სამ მუნიციპალიტეტში „არსებული ვითარების მონიტორინგი ვერტმფრენიდან განახორციელეს“.
შსს-ს პრესსამსახურის გავრცელებული ფოტომასალიდან ირკვევა, რომ ვერტმფრენში ამ დროს კიდევ ცხრა ადამიანი იყო, მათ შორის: საგანგებო სიტუაციების მართვის სამსახურის უფროსი, უწყების პრესსამსახურის უფროსი, ფოტოგრაფი, ოპერატორი და ოზურგეთის მერი.
„[მათ] გურიის რეგიონის სამივე მუნიციპალიტეტის სოფლებში, არსებული ვითარების მონიტორინგი ვერტმფრენიდან განახორციელეს…
ვერტმფრენი, საჭიროებისამებრ სამაშველო ღონისძიებებში მიიღებს მონაწილეობას, მათ შორის უზრუნველყოფს მოსახლეობისთვის პირველადი საჭიროების ნივთებისა და საკვების მიწოდებას“, – წერია შსს-ს გავრცელებულ განცხადებაში.
რადიოთავისუფლება
