გურიაში გომის მთაც მიიღებს ჯერ დასახლებული პუნქტის, შემდგომ უკვე მაღალმთიანი დასახლებული პუნქტის სტატუსს, _ ამის შესახებ პრემიერ-მინისტრმა გიორგი გახარიამ მთავრობის სხდომაზე განაცხადა.
სოციალური დატვირთვის გადაწყვეტილება, რომელსაც ჩვენ დღეს მივიღებთ და ვიმსჯელებთ, ეს გახლავთ მაღალმთიანი სტატუსის მინიჭება კიდევ 59 დასახლებული პუნქტისთვის. ეს გახლავთ: გორის, დუშეთის, თიანეთის, ასპინძის და დმანისის მუნიციპალიტეტები.
„ფაქტობრივად, გამოდის, რომ 246 000 ჩვენს მოქალაქეს, რომელიც ამ სტატუსით უკვე სარგებლობს მიემატება 26 000 მოქალაქე. ხაზგასმით მინდა აღვნიშნო, რომ ამასთან ერთად დუშეთის და გორის მუნიციპალიტეტებში ეს იქნება 19 დასახლებული პუნქტი საოკუპაციო ხაზის გასწვრივ, რაც ასევე, მნიშვნელოვანია. კიდევ ერთი ძველი თემა, გურიაში გომის მთა ასევე მიიღებს ამ სტატუსს და ამ კუთხით სამართლიანობა აღდგება, დასახლებული პუნქტის სტატუსს და შემდგომ უკვე მაღალ მთიანი დასახლებული პუნქტის სტატუსს”, _ განაცხადა გიორგი გახარიამ.
