გრიპის და გრიპისმაგვარი დაავადებების მატების შემთხვევები ბოლო ორი კვირაა ლანჩხუთშიც ფიქსირდება.
ლანჩხუთის მუნიციპალიტეტში არსებული მდომარეობის შესახებ “გურია ნიუსი” ლანჩხუთის საზოგადოებრივი ჯანდაცვის ცენტრის ეპიდემიოლოგს, ნატო მენაღარიშვილს ესაუბრა.
“ბოლო ორი კვირის განმავლობაში მომართვიანობა გაზრდილია როგორც საექიმო ამბულატორიებში, ასევე კლინიკებში. ჩვენ ვაწარმოებთ სამედიცინო დაწესებულებებში ყოველკვირეულ მონიტორინგს და ამ მონიტორინგის საფუძველზე გაძლევთ ამ შეფასებას. გასულ კვირას გვქონდა პაციენტის ჰოსპიტალიზაციის შემთხვევა. სუნთქვის უკმარისობა ჰქონდა და დასჭირდა ტამიფლუთი მკურნალობა. სხვა ჰოსპიტალიზაციის შემთხვევა წელს არ გვქონია”,_ ამბობს ნატო მენაღარიშვილი და აღნიშნავს, რომ მოქალაქეების ნაწილი თვითნებურ მკურნალობას მიმართავს, მედიკამენტებს სიმპტომების მიხედვით თვითნებურად იღებს და ექიმთან არ მიდის, რაც მათივე ჯანმრთელობისთვის საფრთხისშემცველი შესაძლოა აღმოჩნდეს.
რაც შეეხება გრიპის და გრიპისმაგვარი დაავადებების პროფილაქტიკას, ნატო მენაღარიშვილი გვეუბნება:
“ზამთრის სეზონისთვის მზადებას ვიწყებთ შემოდგომიდან. ოქტომბრიდან როცა ქვეყანაში შემოდის გრიპის ვაქცინა და სასურველია, რომ თავიდანვე აიცრას მოსახლეობა. თუმცა სეზონი გრძელდება მაისამდე და ახლაც შესაძლებელია აცრა. მაგრამ სასურველია, დროული აცრა, რადგან ახლა როცა პიკია ამ ვირუსების, ორგანიზმი იყოს მომზადებული.
ავტორი
