„გურია ნიუსის“ სტატიას, რომელიც ჩოხატაურის მუნიციპალიტეტის სოფელ გორაბერეჟიულში მცხოვრები 17 წლის თამარ ჩხაიძეს და მისი ოჯახის უკიდურეს გაჭირვებას ეხებოდა, დიდი გამოხმაურება მოჰყვა.
17 თამუნა ჩხაიძის ბედით, რომელიც 8 წლის ძმას და ავადმყოფ დედ-მამას უვლისს ბედით ბევრი ადამიანი დაინტერესდა.
ჩხაიძეებმა, რომლებსაც სოციალური დახმარება მოუხსნეს და შიმშილით სიკვდილიც კი ემუქრებოდათ, სხვადასხვა სახის დახმარება „გურია ნიუსის“ მკითხველებისგან უკვე მიიღო.
დღეს კი, ყველაზე მნიშვნელოვანი _ მისი ახალი სახლის მშენებლობის ეტაპი დაიწყო.
ჩოხატაურის მუნიციპალიტეტის მერიის მიერ გადარიცხული 3000 ლარით უკვე შეძენილია სახლისთვისთვის საჭირო კარებები, ფანჯრები, სამშენებლო ბლოკის ნაწილი.
მეორე ნაწილი, თამუნა, ახალგაზრდა ბიზნესმენმა ნიკა სიორიძემ გამოუგზავნა. გურიის ყოფილმა გუბერნატორმა, გიორგი ჩხაიძემ თამუნას სახლისთვის ფუნდამენტისა და ჭერისთვის საჭირო არმატურა შეიძინა. იატაკის ლამინატი და “გიფს_კარდონიც” ნაყიდია, რომლის თანხა, ოზურგეთის რაგბის კლუბმა “არწივებმა” გადაიხადა (ეს თანხა აქციის ფარგლებში მოგროვდა და ოზურგეთის მაჟორიტარი დეპუტატის არჩილ თალაკვაძის გადაწყვეტილებით თამუნას სახლისთვისაც გამოიყო).
უკვე შეძენილია აბაზანისთვის და სამზარეულოსთვის საჭირო ინენტარი, რომელიც თამუნას ლანჩხუთისა და ჩოხატაურის გაერთიანებული საარჩევნო ოლქის მაჟორიტარმა დეპუტატმა ნინო წილოსანმა შეიძინა.
თამუნას ახალი სახლისთვის საჭირო ბეტონი და ქვიშა-ხრეში ბიზნესმენმა ამირან ბასილიამ გადმოგვცა. ბიზნესმენ დავით ჟღენტისგან უკვე გვაქვს 5 ტონა ცემენტი.
ტექნიკით და მუშა ხელით გვეხმარება ჩოხატაურის ავტოსერვისცენტრის ხელმძღვანელი ერეკლე მრელაშვილი. სამშენებლო სამუშაოებში დიდ დახმარებას გვიწევს ბექა შარაშიძე და ამ ყველაფერს ხელმძღვანელობს; თამუნას სახლის მშენებლობისთვის საჭირო მასალებით (ხის მასალა და არმატურის ნაწილი), “კახური ტრადიციული მეღვინეობის” დამფუძნებელი, ბიზნესმენი ზურაბ ჩხაიძე დაგვეხმარება.
თამუნას ახალი სახლის პროექტის ავტორი და სამშენებლო სამუშაოების ხელმძღვანელი ვანო ჯაყელია, რომლის თქმით, თამუნა და მისი ოჯახი ახალ სახლში ზამთრის დასაწყისამდე გადავა.
იხილეთ ასევე: “გურია ნიუსის” სტატიას მოყოლილი გამოხმაურება _ “ჩემთვისაც გამოანათა მზემ”
